Valutčyki pa-raniejšamu majuć pracu

Niahledziačy na peŭnuju stabilnaść na valutnym rynku, na abjektach transpartu praciahvajuć mieć miesca fakty ažyćciaŭleńnia niezakonnych valutnych apieracyj. Asnoŭnymi subjektami takich pravaparušeńniaŭ źjaŭlajucca hramadzianie, jakija prybyvajuć u Biełaruś z-za miažy,

a taksama indyvidualnyja pradprymalniki i taksisty. Časta mienavita apošnija prapanoŭvajuć pasłuhi pa abmienie valuty,

5 studzienia ŭ budynku čyhunačnaha vakzała stancyi «Minsk-Pasažryski» supracoŭnikami staličnaj transpartnaj milicyi za parušeńnie ŭstanoŭlenaha paradku ažyćciaŭleńnia valutnych apieracyj byli zatrymany niepracujučy žychar Minska 1979 hoda naradžeńnia i niepracujučy žychar Maskvy 1987 hoda naradžeńnia. U ich kanfiskavana 1.200 rubloŭ CB RF i zvyš 7.000.000 rubloŭ Nacbanka Biełarusi. U toj ža dzień supracoŭniki Viciebskaha adździeła ŭnutranych spraŭ na transparcie ŭ budynku čyhunačnaha vakzała stancyi «Viciebsk» za anałahičnyja pravaparušeńni zatrymali indyvidualnaha pradprymalnika ź Viciebska 1967 hoda naradžeńnia i niepracujučaha žychara hetaha ž horada 1985 hoda naradžeńnia. U ich kanfiskavana 2.550 rubloŭ CB RF i bolš za 6.700.000 rubloŭ NB RB.

7 studzienia na čyhunačnym vakzale ŭ stalicy za parušeńnie ŭstanoŭlenaha paradku ažyćciaŭleńnia valutnych apieracyj zatrymlivalisia niepracujučy žychar Słucka 1975 hoda naradžeńnia i hramadzianka Rasii, niepracujučaja žycharka Maskvy 1987 hoda naradžeńnia. Pry sabie ŭ ich było 12.000 rubloŭ CB RF i zvyš 6.700.000 rubloŭ NB RB.

U dačynieńni da ŭsich zatrymanych byli składzieny pratakoły ab administracyjnych pravaparušeńniach.

U transpartnaj milicyi zaznačajuć, što schiema pošuku klijentaŭ davoli pradkazalnaja.

Siarod achvotnych pakarystacca pasłuhami valutčykaŭ jość pradstaŭniki subjektaŭ haspadarańnia i indyvidualnyja pradprymalniki, jakim nieabchodna bujnaja suma zamiežnych hrašovych srodkaŭ dla nabyćcia impartnych tavaraŭ. Adnak biźniesmieny metanakiravana nie iduć u banki, tamu što nie chočuć apynucca ŭ śpisach ludziej i arhanizacyj, jakija nabyvajuć valutu.

Na terytoryi apieratyŭnaha absłuhoŭvańnia transpartnaj milicyi raźmieščany 35 punktaŭ abmienu valut. Za 2011 hod pravaachoŭniki vyjavili bolš jak 150 administracyjnych pravaparušeńniaŭ, kanfiskavali roznaj valuty na sumu, što pieravyšaje ŭ ekvivalencie 327 miljonaŭ biełaruskich rubloŭ.

• 0
• 0
• 0
• 0
• 0
• 0
• 0
• 0