U sudzie Partyzanskaha rajona Minska 2 śniežnia ŭ 10.00 pačaŭsia razhlad isku rajonnaj IMPZ da pravaabaroncy Valancina Stefanoviča ab vypłacie padatkaŭ. Pradstaŭniki padatkovaj inśpiekcyi zajavili chadajnictva ab pavieličeńni iskavy patrabavańniaŭ za košt źmianieńnia pamieru pieni. Takim čynam, padatkovaja inśpiekcyja prosić spahnać sa Stefanoviča 43.474.110 rubloŭ.
Adkazčyk zajaviŭ, što fakt niavypłaty im padatkaŭ nie ŭstanoŭleny. Aprača taho, jon abskardziŭ u sudzie pastanovu padatkovaj inśpiekcyi ab nibyta ŭčynienym im administracyjnym pravaparušeńni ŭ častcy niavypłaty padatkaŭ. Pravaabaronca prasiŭ sud prypynić razhlad isku da razhladu jaho skarhi pa sutnaści. Sudździa Vieranika Abramovič u zadavalnieńni chadajnictva admoviła, ale pieraniesła sudovaje pasiadžeńnie na 14.15.
Razhlad skarhi Stefanoviča adbudziecca 2 śniežnia ŭ 11.30 u hetym ža sudzie.
Suma nibyta nie vypłačanych Stefanovičam padatkaŭ raźličana zychodziačy sa źviestak, jakija dali biełaruskim uładam ź Litvy.
Na padstavie takich źviestak ź Litvy i Polščy była raspačata kryminalnaja sprava ŭ dačynieńni da pravaabaroncy Alesia Bialackaha, jaki atrymaŭ 4,5 hoda pazbaŭleńnia voli.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary