Radasłaŭ Sikorski spadziajecca, što vyzvaleńnie Pačobuta adkryje novy etap u polska-biełaruskich adnosinach
Ministr zamiežnych spraŭ Polščy Radasłaŭ Sikorski zajaviŭ, što vyzvaleńnie Andžeja Pačobuta stała mahčymym dziakujučy supracoŭnictvu Polščy i ZŠA, a taksama rašeńniu prezidenta ZŠA Donalda Trampa. Jon taksama vykazaŭ nadzieju, što hetaja padzieja moža stać pačatkam palapšeńnia adnosin pamiž Polščaj i łukašenkaŭskaj Biełaruśsiu, paviedamlaje Rmf.pl.
Kiraŭnik polskaj dypłamatyi vykazaŭ nadzieju, što vyzvaleńnie Pačobuta adkryje novy etap u polska-biełaruskich dačynieńniach, ale — jak jon adznačyŭ — inicyjatyva na baku Alaksandra Łukašenki.
«Nie chaču tut davać niejkich abiacańniaŭ biez pakryćcia, pakolki taki «padmanny śvitanak» užo nastavaŭ raniej», — zajaviŭ jon.
U toj ža čas jon adznačyŭ, što ŭ hetych adnosinach u minułym byli epizody «adlihi», padčas jakich u Biełarusi nie było nivodnaha palitviaźnia.
Sikorski taksama nahadaŭ, što Polšča była vymušanaja budavać fartyfikacyi na miažy ź Biełaruśsiu z-za apieracyj pa pierakidańni mihrantaŭ, jakija pravodziacca ŭradam Łukašenki.
«My zaŭsiody hatovyja adkazvać na pazityŭnyja žesty, ale heta Biełaruś musić spačatku zachacieć stać členam jeŭrapiejskaj siamji narodaŭ», — skazaŭ jon.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj
Ministr zamiežnych spraŭ Polščy sustreŭsia z Džonam Koŭłam
Tusk: Siarod vyzvalenych siońnia — biełarus, jaki supracoŭničaŭ z polskimi śpiecsłužbami
Andrej Pačobut: Biełaruskija čynoŭniki paćvierdzili, što ja mahu viarnucca
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary