Hetaja stratehija moža aznačać pierachod vajny ŭ zaciažnuju fazu. Heta pryviadzie da deficytu pastavak nafty i ŭhnajeńniaŭ na rynak, što vyhadna ich amierykanskim vytvorcam i Rasii.
Prezident ZŠA Donald Tramp daručyŭ VMS ZŠA padrychtavacca da praciahłaj błakady Armuzskaha praliva, piša WSJ.
Vašynhton imkniecca maksimalna ŭzmacnić ekanamičny cisk na Tehieran, pakolki vajna doŭžycca ŭžo treci miesiac. Hetaja stratehija aznačaje pierachod vajny ŭ zaciažnuju fazu. Choć pramyja bajavyja dziejańni mohuć spynicca, stabilnaść sudnachodstva ŭ rehijonie zastajecca pad vialikim pytańniem.
ZŠA płanujuć zabłakavać usiu iranskuju naftu i pazbavić Tehieran prybytkaŭ ad jaje prodažu. U svaju čarhu Iran taksama trymaje praliŭ zakrytym dla bolšaści inšych hruzaŭ. U vyniku suśvietny enierhietyčny rynak znachodzicca ŭ stanie niavyznačanaści.
Napiaredadni prezident ZŠA zajaviŭ, što Iran užo źviarnuŭsia da ZŠA z prośbaj spynić marskuju błakadu. Tramp napisaŭ u sacsietcy Truth Social, što Tehieran choča adkryć vodny šlach «jak maha chutčej, pakolki jany sprabujuć razabracca sa svajoj situacyjaj z kiraŭnictvam». Taksama prezident ZŠA dadaŭ, što, pavodle słoŭ samich irancaŭ, kraina znachodzicca ŭ «stanie kałapsu».
-
Pucin zajaviŭ, što zamiest kiraŭnika CRU achvotniej budzie pieramaŭlacca z Uitkafam i Kušnieram
-
Pašynian zajaviŭ, što Armienija nie budzie pravodzić refierendum ab siabroŭstvie ŭ ES
-
Nivodzin z novych spadarožnikaŭ, jakija prezientujucca jak rasijski anałah Starlink, pakul nie vyjšaŭ na naležnuju arbitu
Kamientary
Błakada budzie tryvać da ŭvarvańnia Pucina ŭ ES.