U Minsku adkryvajecca novy hastradvor. Heta samaja vialikaja strytfud-placoŭka ŭ horadzie
Siońnia ŭ Minsku praviali prezientacyju hastraskviera (ci hastradvara) «Manifiest». Jon raźmiaściŭsia kala płoščy Jakuba Kołasa — na płoščach, dzie raniej znachodziŭsia zavod vyličalnaj techniki imia Ardžanikidze. Kaliści tut rabili znakamityja supierkampjutary siamiejstva «Minsk», piša Blizko.by.
Hastraskvier «Manifiest» raźmiaściŭsia kala płoščy Jakuba Kołasa, jaho dakładny adras — vulica Kulman, 1/8. Tut nie tolki hastradvor, ale i ceły kvartał «Atmaśfiera» z ofisami (užo pracujuć 4 biznes-centry płoščaj 23 000 kvadratnych mietraŭ) i inšym napaŭnieńniem. Scena dla kancertaŭ, zialonyja zony dla adpačynku i mnostva punktaŭ z vuličnaj ježaj.
Adznačajecca, što heta samaja vialikaja strytfud-placoŭka ŭ Minsku ahulnaj płoščaj 85 000 kvadratnych mietraŭ.
Placoŭka budzie pracavać z maja pa kastryčnik z 12:00 da 23:00, a pa subotach z 11:00. Vialikaje adkryćcio adbudziecca 1 maja a 12‑j hadzinie.
U druhoj pałovie hoda abiacajuć adkryć hastramoł «Manifiest», jaki, jak abiacajuć, stanie adnym z samych vialikich u SND z płoščaj kala 10 tysiač kvadratnych mietraŭ. Budzie scena z ekranam i kala čatyroch dziasiatkaŭ punktaŭ ź ježaj, usio heta raźličana na 1540 miescaŭ. Voś hetaja častka taksama adydzie pad hastradvor:
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj11
Kamientary