Drama razyhrałasia kala ihralnaha kłuba Good Lusk 777.
Da hibieli troch žycharoŭ Mazyra pryviali nie kryminalnyja razborki, a kanflikt
Jak raniej paviedamlałasia,
nočču 20 listapada kala ihralnaha kłuba Good Lusk 777 u Mazyry byli znojdzienyja trupy miascovych žycharoŭ 1984 i 1963 hadoŭ naradžeńnia. U balnicu z ahniastrelnym ranieńniem byŭ dastaŭleny jašče adzin miascovy žychar 1987 hoda naradžeńnia. Ranicaj jon pamior u balnicy.
Pra padrabiaznaści kanfliktu paviedamili ŭ prakuratury rajona. Pavodle słoŭ jaje supracoŭnikaŭ, pa adnoj ź viersij,
20 listapada niejkaja dziaŭčyna, žycharka Mazyra, adpačyvała ŭ kampanii chłopcaŭ. Jana im paskardziłasia, što raniej jaje źniavažyŭ žychar Mazyra. Jaje spadarožnik pazvaniŭ kryŭdzicielu damy na mabilny telefon i prapanavaŭ «pahutaryćSustreču pryznačyli kala ihralnaha kłuba. Abaronca nie advažyŭsia pryjechać adzin i prapanavaŭ padtrymać jaho mužčynu 1963 hoda naradžeńnia, rabočamu budaŭničaj arhanizacyi. Toj, u svaju čarhu, uziaŭ z saboj niezarehistravanuju palaŭničuju strelbu «na ŭsiaki vypadak», kab «papałochać». Jany pajechali na miesca sustrečy.pa-mužčynsku ».
Tam ich čakaŭ «kryŭdziciel» dziaŭčyny.
Pamiž chłopcami 1984 i 1987 hadoŭ naradžeńnia pačaŭsia kanflikt i bojka. Tady mužčyna sa strelbaj vyskačyŭ z aŭtamabila i zrabiŭ chaatyčnyja vystrały, pryčym kuli trapili jak u «kryŭdziciela» dziaŭčyny, hetak i ŭ jaje «abaroncu».Adzin ź ich pamior na miescy, druhi krychu paźniej pamior u balnicy.
Vadziciel, jaki pryvioz na miesca sustrečy kampaniju, pačuŭšy streły, spałochaŭsia i vyrašyŭ pajechać. Kali jon pasprabavaŭ rvanuć ź miesca zdareńnia, mužčyna, jaki stralaŭ, nie ŭtrymaŭsia na nahach, upaŭ pad koły aŭto i zahinuŭ.
Prakuror zaznačyŭ, što ŭsie ŭdzielniki kanfliktu — raniej nie sudzimyja. U mužčyny 1963 hoda naradžeńnia raniej milicyja kanfiskoŭvała dźvie niezarehistravanyja hładkastvolnyja strelby.
Adzin z udzielnikaŭ kanfliktu, jaki zahinuŭ, — invalid, u jaho nie było ruki.
Viadziecca śledstva.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary