Piaskoŭ źvinavaciŭ Zialenskaha ŭ padbuchtorvańni z-za słoŭ pra Biełaruś
Pradstaŭnik Kramla adreahavaŭ na słovy prezidenta Ukrainy pra toje, što Rasija nibyta moža atakavać Ukrainu abo adnu z krain NATA z terytoryi Biełarusi.
«Nie dumajem, što padobnyja zajavy zasłuhoŭvajuć niejkich kamientaroŭ. Biełaruś — heta naš sajuźnik, u nas jość Sajuznaja dziaržava ź Biełaruśsiu. Ale heta suvierennaja dziaržava. Tamu padobnyja zajavy — nie što inšaje, jak sproba dalejšaha padbuchtorvańnia ŭ płanie praciahu vajny i nahniatańnia napružanaści», — padkreśliŭ pradstaŭnik Kramla.
U piatnicu Uładzimir Zialenski zajaviŭ, što Rasija sprabuje hłybiej uciahnuć Biełaruś u vajnu suprać Ukrainy i razhladaje płany apieracyj z terytoryi Biełarusi suprać Ukrainy abo adnoj z krain NATA.
«Viedajem, što adbylisia dadatkovyja kantakty pamiž rasijanami i Alaksandram Łukašenkam, metaj jakich źjaŭlajecca pierakanać jaho dałučycca da novych rasijskich ahresiŭnych apieracyj. U pryvatnaści, Rasija razhladaje płany apieracyj pa napramkach na poŭdzień i na poŭnač z terytoryi Biełarusi — albo suprać čarnihaŭska-kijeŭskaha napramku va Ukrainie, albo suprać adnoj z krain NATA — mienavita z terytoryi Biełarusi. Ukraina vałodaje detalami razmovy pamiž Rasijaj i Biełaruśsiu», — skazaŭ prezident Ukrainy.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia27
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1010
Kamientary