Пяскоў звінаваціў Зяленскага ў падбухторванні з-за слоў пра Беларусь
Прадстаўнік Крамля адрэагаваў на словы прэзідэнта Украіны пра тое, што Расія нібыта можа атакаваць Украіну або адну з краін НАТА з тэрыторыі Беларусі.
«Не думаем, што падобныя заявы заслугоўваюць нейкіх каментароў. Беларусь — гэта наш саюзнік, у нас ёсць Саюзная дзяржава з Беларуссю. Але гэта суверэнная дзяржава. Таму падобныя заявы — не што іншае, як спроба далейшага падбухторвання ў плане працягу вайны і нагнятання напружанасці», — падкрэсліў прадстаўнік Крамля.
У пятніцу Уладзімір Зяленскі заявіў, што Расія спрабуе глыбей уцягнуць Беларусь у вайну супраць Украіны і разглядае планы аперацый з тэрыторыі Беларусі супраць Украіны або адной з краін НАТА.
«Ведаем, што адбыліся дадатковыя кантакты паміж расіянамі і Аляксандрам Лукашэнкам, мэтай якіх з'яўляецца пераканаць яго далучыцца да новых расійскіх агрэсіўных аперацый. У прыватнасці, Расія разглядае планы аперацый па напрамках на поўдзень і на поўнач з тэрыторыі Беларусі — альбо супраць чарнігаўска-кіеўскага напрамку ва Украіне, альбо супраць адной з краін НАТА — менавіта з тэрыторыі Беларусі. Украіна валодае дэталямі размовы паміж Расіяй і Беларуссю», — сказаў прэзідэнт Украіны.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары