Łukašenka: Ź siaredziny vieraśnia kurs stanie svabodnym

Alaksandr Łukašenka zajaviŭ, što pačynajučy ź siaredziny vieraśnia na valutna-fondavaj biržy adkryjecca dadatkovaja siesija, na jakoj kurs biełaruskaha rubla budzie vyznačacca na asnovie popytu i prapanovy.

«Kurs biełaruskaha rubla budzie vyznačacca popytam i prapanovaj, jak i luby inšy tavar. My štučna padtrymlivać kurs nie płanujem», — zajaviŭ A. Łukašenka ŭ aŭtorak na naradzie pa sacyjalna-ekanamičnych pytańniach.

Buduć admienienyja lhoty dla eksparcioraŭ, jakija mahli pradavać nie ŭsiu valutnuju vyručku.

Łukašenka abiacaje, što

rublovyja ŭkłady možna budzie pieravieści ŭ valutnyja.

Nastupny zahad: Dziaržkantrolu i pravaachoŭnikam dazvolać pravodzić pazačarhovyja pravierki, kab stabilizavać valutny rynak.

Łukašenka patrabuje akumulavać zvyšdachody ad rostu cenaŭ u śpiecfondy. Hrošy ź ich buduć iści na padtrymku nasielnictva.

Kiraŭnik dziaržavy pastaviŭ zadaču ćviorda kantralavać «śpiekulantaŭ, jakija štučna nahniatajuć situacyju». «Heta datyčycca i srodkaŭ masavaj infarmacyi». Nacbank pavinien štodnia adsočvać situacyju, pry nieabchodnaści ŭmiešvacca, źbivajučy śpiekulatyŭnyja napady. «Srodki dla hetaha jość», — zajaviŭ A.Łukašenka.

Nie paźniej za kastryčnik valutu pačnuć pradavać tolki pa pašparcie.

Łukašenka zahadvaje spynić emisiju. «Kateharyčna patrabuju: usie budoŭli i prajekty pavinny finansavacca za košt zdarovych nieemisijnych krynicaŭ», — zajaviŭ jon.

Pa słovach Łukašenki, najbolš vostryja prablemy ŭ ekanomicy, u pryvatnaści,

situacyju z valutaj ŭdasca vyrašyć na praciahu hetaha hoda.

Łukašenka: «Da kanca hoda ŭ ekanomiku Biełarusi budzie pryciahnuta nie mienš za $5 miljardaŭ ad stratehičnych inviestaraŭ».

* * *

Łukašenka znoŭ prademanstravaŭ niehatoŭnaść pierajści da rynku. Dvaistaść kursaŭ pakinie karupcyjny składnik u raźmierkavańni valuty i pa-raniejšamu budzie prymušać pradpryjemstvy chavać svaju vyručku. Jana ž stanie istotnaj pieraškodaj dla atrymańnia kredytaŭ ad MVF i JeŭrAzESa. Zatoje dapamoža padtrymlivać statystyčnyja pakazčyki. Siaredni zarobak i VUP možna ličyć pa adnym kursie, a, naprykład, prytok układaŭ - pa rynkavym.

Zajaŭlajučy pra "svabodny kurs", Łukašenka tym nie mienš stvaraje bieźlič dadatkovych umovaŭ i patrabavańniaŭ da jaho farmiravańnia. Ulik pakupnikoŭ valuty padtrymaje čorny rynak, bo biełarusy nie zachočuć demanstravać dziaržavie svaje dalaravyja patreby.

Asobnyja ž zajavy, nakštałt pieravodu rublovych układaŭ u valutnyja, zastajucca zvyčajnaj demahohijaj. Na ich realizacyju ŭ krainy banalna niama hrošaj.

• 0
• 0
• 0
• 0
• 0
• 0
• 0
• 0