Za vydaču źviestak pra rachunki pravaabaroncy zhubili pasady kiraŭnik Departamienta mižnarodnaha supracoŭnictva i jaho namieśnica.
Siońnia na cpiecyjalnaj pres-kanfierencyi hienieralny prakuror Polščy Andžej Seremiet zajaviŭ, što šerah supracoŭnikaŭ prakuratury, vinavatych u pieradačy dadzienych z bankaŭskich rachunkaŭ Alesia Bialackaha, paniasuć adkaznaść.
U suviazi z hetym siońnia padaŭ u adstaŭku šef Departamienta mižnarodnaha supracoŭnictva Hienprakuratury Polščy Kšyštaf Karšnicki, a jaho namieśnica Anna Viśnieŭska budzie pazbaŭlenaja pasady ad zaŭtrašniaha dnia.
“Pa-čałaviečy mnie vielmi prykra za toje, što zdaryłasia, bo ja zaŭždy imknusia stajać na varcie pravoŭ i svabodaŭ čałavieka. Jak prakuroru mnie vielmi niepryjemna, što niekatoryja supracoŭniki prakuratury nie vykonvajuć maich paradaŭ i zahadaŭ. Zadavalnieńnie zvarotu biełaruskaj prakuratury, składzienaha zusim nie ŭ pravavoj formie, dzie nie było paznačana viny čałavieka (A.Bialackaha), a taksama nie było kankretna vyznačanaj spravy – hety žyvy prykład nievykanańnia svaich naŭprostych abaviazkaŭ supracoŭnikami prakuratury. Adstaŭka – heta nie apošniaja stadyja adkaznaści”, – adznačyŭ hienprakuror Polščy.
Za dźvie hadziny da pačatku presavaj kanfierencyi pierad budynkam Hienprakuratury ŭ Varšavie sabralisia biełarusy, kab vykazać pratest z nahody isnavańnia damovy ab uzajemnaj pravavoj dapamozie pamiž Polščaj i Biełaruśsiu. Arhanizatary akcyi pieradali zvarot z patrabavańniem spynić supracoŭnictva ź Biełaruśsiu.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary