Vialikabrytanija praciahvaje baraćbu za vykanańnie pravoŭ čałavieka ŭ Biełarusi
«Vialikabrytanija budzie— zajaviŭ na sustrečy z pradstaŭnikami arhanizacyi Index on Censorship brytanski ministr pa spravach Jeŭropy Devid Lidynhton.pa-raniejšamu znachodzicca na piarednim krai baraćby mižnarodnaj supolnaści za vykanańnie pravoŭ čałavieka i demakratyju ŭ Biełarusi»,
Jak paviedamili o
«Ja sustreŭsia z členami arhanizacyi Index on Censorship. My abmierkavali paharšeńnie situacyi z pravami čałavieka ŭ krainie, uklučajučy nieadpaviednuju reakcyju ŭład u minułuju sieradu na žadańnie biełaruskich hramadzian publična zajavić pra svaju zaniepakojenaść situacyjaj u krainie», — cytuje Lidynhtona
Brytanski ministr padkreśliŭ, što Vialikabrytanija sumiesna z partniorami ŭ ES damahłasia pośpiechu ŭ pryniaćci žorstkich sankcyj u dačynieńni da kirujučaha režymu, a taksama spryjała tamu, što Biełaruś znoŭ apynułasia ŭ centry ŭvahi Savieta pa pravach čałavieka AAN. Mižnarodnaja supolnaść pavinna dapamahčy biełarusam abaranić ich pravy na svabodnaje vykazvańnie svajoj dumki biez bojazi źviedać represii, pierakanany Lidynhton.
Jon vykazaŭ «hłybokuju zakłapočanaść» tym, što niekalki palityčnych źniavolenych nie majuć dostupu da nieabchodnaj miedycynskaj dapamohi, u tym liku Dźmitryj Bandarenka, Dźmitryj Bułanaŭ i Andrej Sańnikaŭ. U suviazi z hetym Lidynhton zaklikaŭ Biełaruś da vykanańnia abaviazacielstvaŭ, pryniatych joju ŭ miežach Mižnarodnaha pakta ab hramadzianskich i palityčnych pravach, a taksama Zvodu pryncypaŭ abarony ŭsich asob, jakija padviarhajucca zatrymańniu ci źniavoleńniu ŭ jakoj by tam ni było formie, pryniataha Hienieralnaj asamblejaj AAN u 1988 hodzie.
«Hłybokuju zaniepakojenaść taksama vyklikaje vykarystańnie štrafnych izalataraŭ u jakaści pakarańnia palityčnych źniavolenych. Źmicier Daškievič, staršynia „Maładoha frontu“, zajaŭlaje, što padviarhajecca izalacyi za toje, što nastojvaje na svaim pravie vykarystoŭvać biełaruskuju movu — adnu ź dziaržaŭnych moŭ Respubliki Biełaruś, — padkreśliŭ ministr. — Toje, što adbyvajecca ź Mikitam Lichavidam, źjaŭlajecca asabliva aburalnym. Paśla pryhavoru, vyniesienaha jamu ŭ jakaści „arhanizatara masavych biesparadkaŭ“ padčas palityčna matyvavanaha sudovaha razhladu ŭ lutym hetaha hoda, jon pravioŭ amal uvieś čas svajho źniavoleńnia ŭ štrafnym izalatary. My ličym, što takim čynam jon karajecca za toje, što praciahvaje zajaŭlać pra svaju nievinavataść».
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary