Da kanca 2011 h. Złučanyja Štaty vyvieduć z Afhanistana 10 tysiač svaich vajskoŭcaŭ, a da leta 2012 hodu — 33 tysiačy.
Vystupajučy pa nacyjanalnym telebačańni, prezident ZŠA Barak Abama zajaviŭ, što amierykanskaja prysutnaść u Afhanistanie budzie pastupova i niaŭchilna skaračacca da času, pakul u 2014 h. poŭny kantrol za situacyjaj u krainie nie piarojdzie da afhanskich uładaŭ.
Abama padkreśliŭ, što Vašynhton budzie aktyŭna ŭdzielničać va ŭsich inicyjatyvach, skiravanych na dasiahnieńnie nacyjanalnaha miru ŭ Afhanistanie.
Pavodle amerykanskaha prezydenta, vyvad vojskaŭ pačynajecca ŭ čas, kali situacyja ŭ Afhanistanie składajecca na karyść ZŠA.
Pry hetym jon pryznaŭ, pierad Złučanymi Štatami ŭ Ajhanistanie jašče zastajucca «vielizarnyja prablemy»:
«Heta tolki pačatak, a nie kaniec našych vysiłkaŭ, nakiravanych na toje, kab spynić vajnu. Nam jašče daviadziecca zrabić vielmi šmat, kab zachavać zdabytaje — pry adnačasovym vyvadzie vajskoŭcaŭ i pieradačy afhanskamu ŭradu adkaznaści za biaśpieku».
Abama pastaraŭsia zapeŭnić amerykancaŭ u tym, što «pałasa vajny» kančajecca. «Darma što ŭ Aŭhanistanie jašče buduć čornyja dni, napieradzie vidać śviatło nadziejnaha miru», — dadaŭ prezident ZŠA.
Na siońniašni dzień u Afhanistanie raźmieščana kala 100 tysiač amierykanskich vajskoŭcaŭ.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary