U ŚMI pratačylisia plažnyja fota prynca Uiljama i Ketryn na Ibicy

U presu pratačylisia fatahrafii žonki prynca Uiljama Ketryn Midłtan, jaje siastry Pipy i maci Kerał u bikini padčas siamiejnaha adpačynku na Ibicy. Hetyja zdymki byli zroblenyja jašče ŭ 2006 hodzie, ale nikoli nie drukavalisia ŭ presie, piša The Daily Mail i publikuje skandalnyja fota.

Siamja Midłton u čarhovy raz vykazała svajo abureńnie padobnymi publikacyjami i hatovaja źviarnucca ŭ brytanskuju Kamisiju pa skarhach na presu.

Fatahrafii, na jakich pakazanyja budučyja čalcy karaleŭskaj siamji, a taksama sam prync Uiljam, byli zroblenyja na jachcie dziadźki Ketryn Midłtan — brata jaje maci multymiljaniera Hery Hołdśmita. Siamja prabaviła tady ceły tydzień na jahonaj vile na Ibicy. Paśla Hery prynios svajoj plamieńnicy niamała kłopataŭ, kali byŭ złoŭleny na prodažy narkotykaŭ.

Adnak tady, u 2006 hodzie, kali byli zroblenyja apublikavanyja fota, siamji Midłtan nadavałasia nie tak šmat uvahi. Heta byŭ nastupny hod paśla zakančeńnia Ketryn i Uiljamam univiersitetu. Jak adznačaje The Daily Mail, na hetych fotazdymkach jany vyhladajuć jak samaja zvyčajnaja maładaja para.

Na fota prync abdymaje Ketryn, robić kulbit pry skačkach u vadu, kab urazić svaju dziaŭčynu, i ŭ vyniku niazhrabna pluchajecca za bort.

Abiedźvie siastry Ketryn i Pipa ŭ biełych bikini demanstrujuć idealnuju formu. Pipa taksama sfatahrafavanaja ŭ skačku śpinaj z borta jachty, a Ketryn naziraje za ŭsim z boku. Na inšych fotazdymkach dziaŭčyny prosta zaharajuć i razmŭalajuć pamiž saboj. Brytanskija tabłoidy nie abyjšli ŭvahaj i maci Ketryn, adznačyŭšy, što jana vydatna hladzicca ŭ zialonym bikini i joj ŭdajecca padtrymlivać vydatnuju formu.

Źjaŭleńnie hetych fatahrafijaŭ u presie vyklikała niehatyŭnuju reakcyju siamji Middłtan. Pa niekatorych dadzienych, jany hatovyja źviarnucca ŭ Kamisiju pa skarhach na presu. U suviazi z hetym adno z vydańniaŭ, jakoje apublikavała fota, na jakim Pipa zdymaje vierch svajho bikini, užo prybrała ich sa svajho sajtu.

Čalcy karaleŭskaj siamji ličać publikacyju ŭmiašalnictvam u pryvatnaje žyćcio. Da vydańniaŭ niepaźbiežna ŭźnikajuć pytańni pra toje, adkul jany atrymali hetyja zdymki. Zrešty, jak piša The Guardian, siamja Midłtan, staŭšy častkaj karaleŭskaj dynastyi, pryciahvaje vialikuju ŭvahu, i sotni nieapublikavanych asabistych fatahrafij jašče mohuć źjavicca na vokładkach hazietaŭ.

Miž tym u Łondanie stała viadoma, što viadučyja ŚMI Złučanaha karaleŭstva niehałosna pryniali rašeńnie nie kuplać u fatohrafaŭ-paparacy zdymki maładych, jakija pravodziać miadovy miesiac, kali takija fota buduć prapanavanyja na prodaž.

Krychu raniej u centry skandału apynulisia adkrytyja fota z chatniaha archivu brata i siastry Ketryn Midłtan — Džejmsa i Pipy. Miarkujučy pa ŭsim, fatahrafii byli źniatyja kimści ź ich pryjacielaŭ, a zatym pradadzienyja za vialikuju sumu fotaahienctvam. Siamji Midłtanaŭ spyniła cyrkulacyju hetych zdymkaŭ, nacisnuŭšy na fatohrafa — uładalnika aŭtarskich pravoŭ.

Na adnym sa zdymkaŭ 27-hadovaja Pipa ŭ napaŭprazrystaj spadnicy i staniku vielmi adkryta tancuje ź niejkim mužčynam u adnych trusach. Kali i dzie zroblenaje fota — nieviadoma. 23-hadovy Džejms paŭstaje na zdymku, jaki ŭspłyŭ u internecie, zapuściŭšy ruku sabie ŭ trusy. Na inšym fota Džejms raspranuty całkam — ale tut jon, dziakuj Bohu, skryžavaŭ nohi.

• 0
• 0
• 0
• 0
• 0
• 0
• 0
• 0