Staršynia arhkamiteta pa stvareńniu ruchu salidarnaści «Razam» Viačasłaŭ Siŭčyk, jaki znachodzicca ŭ emihracyi, pavinšavaŭ biełarusaŭ ź piataj hadavinaj padziej, što adbylisia na Kastryčnickaj płoščy ŭ Minsku paśla prezidenckich vybaraŭ 2006 hoda.
U liście «Płoščy Kalinoŭskaha piać hadoŭ» palityk vinšuje ŭsich hramadzian Biełarusi sa śviatam i prapanuje razam pryhadać «mužnaść tysiač biełarusaŭ, jakija abaraniali Płošču piać hadoŭ tamu»; uzhadać «pra dziesiatki tysiač, što ich padtrymlivali, pieradavali rečy i ježu, udzielničali ŭ mitynhach», padziakavać «našym hierojam, što pastavili pieršyja namioty 20 sakavika 2006 hoda».
Siŭčyk vykazvaje padziaku «mužnym dziaŭčatam i chłopcam» i zaklikaje «nie ŭpadać ŭ rospač». List zaviaršajecca słovami: «My jašče vierniemsia na plac Kalinoŭskaha, bo my pieramožam! Žyvie Biełaruś!».
Jak paviedamiła maci palityka Halina Siŭčyk, viečaram 20 sakavika hetaje pasłańnie jaje syna było začytana ŭdzielnikam malitvya za palitźniavolenych, jaki z 20 studzienia 2010 hoda štodnia pravodzicca kala skulpturnaj kampazicyi «Archanhieł Michaił pieramahaje zło» na terytoryi staličnaha Čyrvonaha kaścioła (śviatych Symona i Aleny). U malitvach razam z baćkami palitźniavolenych i ich rodnymi ŭdzielničajuć hramadskija aktyvisty.
19–25 sakavika 2006 hoda Viačasłaŭ Siŭčyk byŭ adnym z aktyvistaŭ namiotavaha łahieru na Kastryčnickaj płoščy.
Za miažu Siŭčyk vyjechaŭ paśla prezidenckich vybaraŭ 2010 hoda.
-
Franak Viačorka: U nas afihiennaja dyjaspara, ale nyćcio pra toje, što ŭsio kiepska, dematyvuje. My nie ŭmiejem pradavać pośpiechi
-
Troch polskich śviataroŭ vysłali ź Biełarusi
-
«Pry znajomstvie pradstaŭlałasia: «Maryna». Hutarka z byłoj hałoŭnaj redaktarkaj Tut.by, palitźniavolenaj i švačkaj homielskaj kałonii
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj25
Kamientary