U kołach haradzienskaj intelihiencyi i pravasłaŭnych viernikaŭ abmiarkoŭvajecca niadaŭni vizyt mitrapalita mienskaha i słuckaha, patryjaršaha ekzarcha ŭsiaje Biełarusi Filareta na Słonimščynu
U kołach haradzienskaj intelihiencyi i pravasłaŭnych viernikaŭ abmiarkoŭvajecca niadaŭni vizyt mitrapalita mienskaha i słuckaha, patryjaršaha ekzarcha ŭsiaje Biełarusi Filareta na Słonimščynu z nahody śviatkavańnia 10-hodździa ŭtvareńnia Mienskaj duchoŭnaj akademii ŭ tamašnim Śviata-Uśpienskim manastyry ŭ Žyrovičach.
Jubilejnyja ŭračystaści prajšli nia tolki z udziełam pravasłaŭnaha kleru, ale i pradstaŭnikoŭ ułady, a ŭ pryvatnaści – upaŭnavažanaha pa spravach relihijaŭ i nacyjanalnaściaŭ pry Saviecie Ministraŭ Biełarusi Uładzimiera Łamieki i staršyni Savietu pa spravach relihijaŭ i nacyjanalnaściaŭ haradzienskaha abłvykankamu Ihara Papova. Hety apošni maje zabaronu na ŭjezd u Polšču, jak čynoŭnik, jaki spryčyniŭsia da padziełu Sajuzu palakaŭ Biełarusi.
Z nahody jubileju Mienskaj duchoŭnaj akademii vinšavalny list dasłaŭ patryjarch maskoŭski i ŭsiaje Rusi Aleksij II. Pra dziesiacihadovaje isnavańnie Mienskaj duchoŭnaj akademii ŭ Žyrovičach raspavioŭ protajarej Alaksandar Bałońnikaŭ – sakratar navukovaj rady hetaj vučelni. Vykładčykaŭ Mienskaj duchoŭnaj akademii pavinšavali rektary Biełaruskaha dziaržuniversytetu Vasil Stražaŭ, Haradzienskaha medyčnaha universytetu Piotr Harelik, i Haradzienskaha dziaržuniversytetu im janki Kupały Jaŭhien Roŭba.
Jak stała viadoma Racyi, kiraŭnictva Pravasłaŭnaj Carkvy Biełarusi planuje ŭ budučym pieranieści Mienskuju duchoŭnuju akademiju z Žyrovičaŭ u stalicu. Pakul niama aficyjnych tłumačeńniaŭ, čym vyklikanaja hetkaja nieabchodnaść. Prynamsi padčas jubilejnych uračystaściaŭ hetaje pytańnie nie ŭźnikała i nie abmiarkoŭvałasia.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty24
Kamientary