«Ułady śviadoma ŭziali kurs na paharšeńnie adnosinaŭ z demakratyčnymi krainami»
Milinkievič zrabiŭ zajavu pa vynikach prysudu ŭdzielniku akcyi pratestu 19 śniežnia.
Alaksandr Milinkievič zrabiŭ zajavu pa vynikach prysudu ŭdzielniku akcyi pratestu 19 śniežnia Vasilu Parfiankovu, jakoha pakarali čatyrma hadami kałońnii strohaha režymu.
Padčas učorašniaha razhladu spravy Vasila Parfiankova u sudzie Frunzienskaha rajona Minska stała vidavočna, što pryciahnieńnie jaho da kryminalnaj spravy ŭ jakaści abvinavačanaha nie maje pad saboj nijakich pravavych padstaŭ. Adzinaje, što možna inkryminavać Parfiankovu − heta ŭdzieł u masavaj akcyi, na praviadzieńnie jakoj nie byŭ atrymany dazvoł u haradskich uładaŭ. Adnak, Vasil Parfiankoŭ užo panios administracyjnaje pakarańnie za ŭdzieł u niesankcyjavanaj akcyi pratestu.
Adzinym spraviadlivym rašeńniem u dadzienym vypadku pavinna było być poŭnaje apraŭdańnie padsudnaha. Ułady mahli zachavać tvar, kali b pakarali udzielnika akcyi pratestu ŭmoŭnym terminam. Ale pakarańnie Vasila Parfiankova čatyrma hadami kałonii strohaha režymu nie tolki nieadekvatnaje, ale i amaralnaje. Ludzi vyjšli na vulicy, kab vykazać svoj pratest suprać falšavańniaŭ na prezidenckich vybarach, na što majuć, jak hramadzianie, poŭnaje prava. Udzielniki akcyi, a mnohija pryjšli cełymi siemjami, pavodzili siabie vyklučna mirna i padkreślena karektna.
Z prysudu vynikaje, što ŭłady śviadoma ŭziali kurs na paharšeńnie stasunkaŭ z demakratyčnymi krainami śvietu i ŭzmacnieńnie atmśfiery strachu ŭ biełaruskim hramadstvie.Usio stanoŭčaje, što značnymi vysiłkami vybudoŭvałasia ŭ stasunkach ź Jeŭraźviazam, znachodzicca pad pahrozaj razbureńnia. Režym paličyŭ mahčymym achviaravać dobrymi stasunkami z cyvilizavanymi krainami śvieta dziela zachavańnia siłavymi, niekanstytucyjnymi mietadami svajoj ułady. Heta nieminujuča pryviadzie da ŭzmacnieńnia ekanamičnaj i palityčnaj zaležnaści ad Rasii, dla kiraŭnictva jakoj demakratyčnyja kaštoŭnaści i hramadzianskija pravy nie źjaŭlajucca pryjarytetnymi.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary