«Улады свядома ўзялі курс на пагаршэнне адносінаў з дэмакратычнымі краінамі»
Мілінкевіч зрабіў заяву па выніках прысуду ўдзельніку акцыі пратэсту 19 снежня.
Аляксандр Мілінкевіч зрабіў заяву па выніках прысуду ўдзельніку акцыі пратэсту 19 снежня Васілю Парфянкову, якога пакаралі чатырма гадамі калонніі строгага рэжыму.
Падчас учорашняга разгляду справы Васіля Парфянкова у судзе Фрунзенскага раёна Мінска стала відавочна, што прыцягненне яго да крымінальнай справы ў якасці абвінавачанага не мае пад сабой ніякіх прававых падстаў. Адзінае, што можна інкрымінаваць Парфянкову − гэта ўдзел у масавай акцыі, на правядзенне якой не быў атрыманы дазвол у гарадскіх уладаў. Аднак, Васіль Парфянкоў ужо панёс адміністрацыйнае пакаранне за ўдзел у несанкцыяванай акцыі пратэсту.
Адзіным справядлівым рашэннем у дадзеным выпадку павінна было быць поўнае апраўданне падсуднага. Улады маглі захаваць твар, калі б пакаралі удзельніка акцыі пратэсту ўмоўным тэрмінам. Але пакаранне Васіля Парфянкова чатырма гадамі калоніі строгага рэжыму не толькі неадэкватнае, але і амаральнае. Людзі выйшлі на вуліцы, каб выказаць свой пратэст супраць фальшаванняў на прэзідэнцкіх выбарах, на што маюць, як грамадзяне, поўнае права. Удзельнікі акцыі, а многія прыйшлі цэлымі сем’ямі, паводзілі сябе выключна мірна і падкрэслена карэктна.
З прысуду вынікае, што ўлады свядома ўзялі курс на пагаршэнне стасункаў з дэмакратычнымі краінамі свету і ўзмацненне атмсферы страху ў беларускім грамадстве.Усё станоўчае, што значнымі высілкамі выбудоўвалася ў стасунках з Еўразвязам, знаходзіцца пад пагрозай разбурэння. Рэжым палічыў магчымым ахвяраваць добрымі стасункамі з цывілізаванымі краінамі света дзеля захавання сілавымі, неканстытуцыйнымі метадамі сваёй улады. Гэта немінуюча прывядзе да ўзмацнення эканамічнай і палітычнай залежнасці ад Расіі, для кіраўніцтва якой дэмакратычныя каштоўнасці і грамадзянскія правы не з’яўляюцца прыярытэтнымі.
Цяпер чытаюць
Зміцер Дашкевіч сказаў, што трэба рабіць беларусам зараз, каб краіна стала свабоднай і незалежнай15
Каментары