— mistyčnyja pryhody Ź Nikałasam Kiejdžam i Ronam Pierłmanam.
Siezon viedźmaŭ (Season of the Witch)
ZŠA, 2011, kalarovy, 98 chv.
Režysior: Daminik Siena
Roli vykonvajuć: Nikałas Kiejdž, Ron Perłman, Kłer Foj, Styven Kempbeł Mur, Krystafer Li, Styven Hrem, Ulrych Tomsen
Žanr: Mistyčnyja pryhody
Adznaka: 7 (z 10)
Čatyrnaccataje stahodździe. Dva rycary musiać dastavić u daloki klaštar maładuju viedźmu, jakuju abvinavačvajuć u epidemii čumy. Dziaŭčyna vyhladaje aniołam, ale hierojam pryjdziecca sutyknucca z samymi ciomnymi siłami.
Karcina Daminika Sieny — udarnyja mistyčnyja pryhody z zakručanym siužetam i pałachlivaju atmaśfieraj. U filmie ŭsiaho pakrychu. Siaredniaviečča z kryžovymi pachodami j šturmam haradoŭ, hałodnyja vaŭki, pošaści, viedźmy j demany, hodnyja rycary, spakušeńni j zaciatyja bojki.
Usie viadomyja składniki pracujuć na film. Daminik Siena spraŭna zdymaje papularnaje kino («Uhnać za 60 siekundaŭ» i «Parol «Ryba-mie軫 — jahonyja stužki). I chacia hałoŭny rycar Nikałas Kiejdž prasiaknuty ŭračysta-źlakanym hieraizmam, ź jakim aktor naviaźliva vandruje z karciny ŭ karcinu, heta filmu nie zaminaje. Kudy cikaviejšy rycar Ron Perłman — udała namiakaje na «Imia ružy» j svajho «Chełboja», a biaźvinna-padstupnaja viedźma Kłer Foj — adkryćcio karciny.
Film uściešyć masavuju publiku, a scena ŭ tumannym lesie prymusić adkłaści ŭ bok čypsy.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary