Jak pravakatary bjuć šyby ŭ Domie ŭrada — videa i fota
Źviarnicie ŭvahu, jak pierad bićciom voknaŭ adzin z prysutnych havoryć u mikrafon, schavany ŭ rukavie. Dadałosia fota mužčyny anfas, jaki bje vokny.
Źviarnicie ŭvahu, jak pierad bićciom voknaŭ adzin z prysutnych havoryć u mikrafon, schavany ŭ rukavie.
U Siecivie praciahvajuć źjaŭlacca fotazdymki i videa, jakija śviedčać pra toje, što pravakacyi kala ścienaŭ Doma ŭradu zahadzia płanavalisia. Źjaviłasia videa i fota maładoha čałavieka, jaki pierad bićciom voknaŭ havoryć u mikrafon, schavany ŭ rukavie. A ŭ peŭny momant jon padychodzić da dźviarej i cichieńka stukaje ŭ škło.
Błohier Dzianis Karpienka paśpieŭ sfatahrafavać čałavieka, jaki padnosić da hanku Doma ŭrada rydloŭki. Da šturmu zastavalisia ličanyja chviliny. Da Dzianisa padyšoŭ čałaviek ŭ cyvilnym, jaki nastojliva paraiŭ jamu pakazać zroblenyja kadry, ale toj admoviŭsia.
Paśla razhonu demanstrantaŭ na apuściełaj płoščy Niezaležnaści niezaležnyja žurnalisty stali śviedkami taho, jak śpiecnazaŭcy pad abjektyvami kamier dziaržaŭnych telekanałaŭ raskidvali kala pomnika Leninu kavałki armatury. Na nastupny dzień u siužetach na BT heta padavałasia, jak byccam armaturu na płošču z saboj pryniesła apazicyja.
Samy pačatak «šturmu». Pieršaja sproba. Kandydaty ŭ prezidenty jašče la pomnika Leninu. Na videa bačna, jak pravakataraŭ ad hanku Doma ŭrada adhaniajuć apazicyjnyja aktyvisty.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju81
Kamientary