Staršynia arhkamitetu Minskaha forumu Rajnier Lindnier 2 listapada na
Pry hetym jon pažadaŭ, kab spraščeńnie vizavaha režymu dla hramadzian Biełarusi nie staviłasia ŭ pramuju zaležnaść ad vynikaŭ prezidenckich vybaraŭ. «Spraščeńnie vizavaha režymu treba pravodzić u intaresach prostych hramadzian. Vybarščyk nie maje pramoha ŭpłyvu na toje, jak pravodziacca vybary», — skazaŭ Lindnier.
Viciebski žurnalist zadaŭ Lindnieru pytańnie, ci jość sens tracić hrošy, kali Hiermanija vydzialaje vialikija sumy na dabračynnaść u Biełarusi, ale da miescaŭ pryznačeńnia hetyja srodki nie zaŭsiody dachodziać. Lindnier adkazaŭ, što ŭ Hiermanii šmat hrošaj vydzialajecca niapravilna, ale ŭ źniešniaj palitycy dziaržavy vialikaja ŭvaha nadajecca padtrymcy hramadzianskaj supolnaści.
Pavodle mierkavańnia staršyni Minskaha forumu, Biełarusi nieabchodna stvareńnie inavacyjnych kłastaraŭ, pramysłovych parkaŭ, novych zon industryjalizacyi, a taksama madernizacyja ŭžo isnujučaha technaparku. Takija prajekty śpiecyjalist płanuje prapanoŭvać na Minskim forumie, jaki pačniecca 3 listapada. «Niamiecki biźnies zacikaŭleny ŭ hetym», — adznačyŭ jon.
Lindnier padkreśliŭ, što ŭ paraŭnańni z 1997 hodam, kali byŭ praviedzieny pieršy Minski forum, u Biełarusi fundamientalna źmianiŭsia skład ŚMI, ale svabody presy ŭ našaj krainie niama.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary