Uzrovień biespracoŭja ŭ 16 krainach jeŭrazony ŭzros u vieraśni 2010 hoda da 10,1% (u vieraśni 2009 hoda — 9,8%, u žniŭni 2010 hoda — 10%). Heta rekordny pakazčyk dla zony jeŭra z momantu jaje stvareńnia ŭ 1999 hodzie.
Zhodna sa źviestkami Jeŭrastata, biespracoŭje ŭ 27 krainach ES u vieraśni 2010 hoda skłała 9,6% (u vieraśni 2009 hoda — 9,3%), zastaŭšysia na ŭzroŭni žniŭnia 2010 hoda.
U 27 krainach ES u vieraśni 2010 hoda byli biespracoŭnymi 23,109 młn. mužčyn i žančyn, ź ich 15,917 młn. — u zonie jeŭra. Kolkaść biespracoŭnych u paraŭnańni sa žniŭniem 2010 hoda ŭzrasła na 71 tys. čałaviek (na 67 tys. čałaviek — u zonie jeŭra). U paraŭnańni ź vieraśniem 2009 hoda kolkaść biespracoŭnych pavialičyłasia na 0,656 młn. čałaviek (u zonie jeŭra — na 0,424 młn.).
Samyja nizkija pakazčyki biespracoŭja siarod dziaržaŭ — členaŭ ES byli zafiksavanyja ŭ Niderłandach (4,4%) i Aŭstryi (4,5%),
a samyja vysokija — u Ispanii (20,8%), Łatvii (19,4% u druhim kvartale 2010 hoda), Estonii (18,6% ŭ druhim kvartale 2010 hoda) i Litvie (18,2% u druhim kvartale 2010 hoda).
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary