Bieraściejka, jakaja ŭ stanie afiektu zabiła muža, pryhavorana da paŭtara hoda źniavoleńnia
Nabyŭ moc prysud u dačynieńni da 42-hadovaj bieraściejki, jakaja ŭ stanie afiektu zabiła muža.
Jak paviedamiŭ staršy prakuror adździeła prakuratury Bresckaj vobłaści Hienadź Kałuža, nočču 1 červienia 2009 hoda
žančyna padčas svarki z mužam naniesła jamu nie mienš jak 10 udaraŭ siakieraj u vobłaść hałavy.
Mužčyna, jaki lažaŭ tym časam na kanapie, pamior ad adkrytaj čerapna-mazhavoj traŭmy.
U toj ža dzień viečaram žančyna i jaje darosły syn na aŭtamabili vyvieźli trup i zakapali ŭ sklepie svajho dačnaha doma, a praz tydzień — zabietanavali.
Trup byŭ znojdzieny 23 studzienia 2010 hoda. Praviedzienaja sudovaja psichołaha-psichijatryčnaja ekśpiertyza ŭstanaviła, što padčas učynieńnia zabojstva žančyna znachodziłasia ŭ stanie afiektu.
28 červienia 2010 hoda sud Leninskaha rajona Bresta pryznaŭ jaje vinavataj va ŭčynieńni złačynstva, praduhledžanaha art. 141 Kryminalnaha kodeksa (zabojstva, učynienaje ŭ stanie afiektu), i pryznačyŭ pakarańnie ŭ vyhladzie adnaho hoda šaści miesiacaŭ pazbaŭleńnia voli ŭ kałonii ahulnaha režymu.
3 žniŭnia sudovaja kalehija pa kryminalnych spravach Bresckaha abłasnoha suda pakinuła kasacyjnuju skarhu asudžanaj biez zadavalnieńnia, i pryhavor nabyŭ zakonnuju moc.
Kamientary