Vacłaŭ Haveł: Pryjom Ukrainy j Biełarusi musić stać viancom stvareńnia Eŭraźviazu
U svaim niadzielnym interviju českamu telebačańniu, siarod inšaha , Vacłaŭ Haveł adkazvaŭ i na pytańni adnosna budučyni Eŭraźviazu. Na dumku eksprezidenta Čechii, pierš za ŭsio nieabchodna vyznačyć cyvilizacyjnuju miažu, na jakoj pašyreńnie zavieršycca. Haveł miarkuje, što heta hranica lažyć pamiž Rasiejaj i Biełaruśsiu.
U svaim niadzielnym interviju českamu telebačańniu, siarod inšaha , Vacłaŭ Haveł adkazvaŭ i na pytańni adnosna budučyni Eŭraźviazu. Na dumku eksprezidenta Čechii, pierš za ŭsio nieabchodna vyznačyć cyvilizacyjnuju miažu, na jakoj pašyreńnie zavieršycca. Haveł miarkuje, što heta hranica lažyć pamiž Rasiejaj i Biełaruśsiu.
(Karespandent českaha telebačańnia) : « Z eŭrapiejskaj «dvaccaćpiaciorki» nieŭzabavie stanie «dvaccaćsiamiorka», da Eŭropy dałučacca Baŭharyja i Rumynija. Eŭraźviaz, jak my mahli bačyć u minułyja hady, nie byŭ zdolny na hłybiejšyja, istotnyja źmieny, uklučajučy i źmienu eŭrapiejskaj Kanstytucyi. Ci nie majecie Vy pieraściarohi z razdrableńnia, ci navat raspadu Eŭrapiejskaha Źviazu?»
(Vacłaŭ Haveł:) « Ja takoj pieraściarohi nie maju. Ale Eŭraźviaz sam pa sabie – unikalnaja sadružnaść. Upieršyniu ŭ historyi Eŭropa tak doŭha žyvie biez vajny, i heta ŭ značnaj stupieni dziakujučy abjadnaŭčamu pracesu. My vyvozili suśvietnyja vojny ŭ ceły śviet, ciapier majem šaniec vyvozić natchnieńnie... A ŭrešcie ja liču techničnaj spravaj, kali budzie pryniataja eŭrapiejskaja Kanstytucyja – sioleta ci praź piać ci šeść hadoŭ...
(Karespandent:) « ... Ale de fakta my z vami źjaŭlajemsia śviedkami raźmialčeńnia Eŭropy. Zaŭvažcie, što i tyja, kaho nazyvajuć eŭraskieptykami, raptam stali vystupać za dalejšaje pašyreńnie EZ».
(Haveł: ) Jany za toje rasšeńnie , mahčyma, tamu, što chočuć bačyć Eŭraźviaz biazzubym, bo, jak budzie jon biaskonca pašyracca, dyk stanie niejkaj druhoj niepatrebnaj AAN. A tamu , jak ja kažu ŭ roznych vystupach, źviaz musić vyznačycca ŭ svaich kaštoŭnaściach, jakija vyznaje i da jakich imkniecca, vyznačycca taksama , kaho moža pryniać, a kaho nie, musić vyznačycca i hieahrafična. Ale EZ pakul na heta nie maje z roznych pryčynaŭ žadańnia. Ja ž paŭtaraju, što bolšaść vojnaŭ uźnikaje z-za razmazanych miežaŭ.
Tak, Rasieja, naprykład, kraina, jakaja ciaham stahodździaŭ nie viedaje , dzie jana pačynajecca i dzie skančajecca, i ad hetaha ŭźnikajuć biaskoncyja prablemy. I paŭtarać ich Eŭraźviazu niavarta. (Jon) musiŭ byŭ zajavić, dzie pačynajecca i dzie skančajecca...
Ja miarkuju, što bałkanskija krainy Serbija, Ałbanija adnojčy, kali b tudy chacieli, kali b vykanali ŭmovy, pavinny da jaho (EZ) naležać, hetaksama jak Biełaruś i Ŭkraina. Ale na hetym kaniec, dalej pačynajecca inšaje koła cyvilizacyi, inšy śviet, jaki pavinien mieć harmaničnyja suviazi z hetym śvietam. Harmaničnym hetaje dačynieńnie budzie tolki ŭ tym vypadku, kali budzie jasnaja miaža, dzie adzin śviet skančajecca, a druhi pačynajecca.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary