Łukašenka sklikaje pazačarhovuju siesiju Pałaty. Piša ŭ svaim błohu na NN Alaksandr Kłaskoŭski.
Łukašenka sklikaje pazačarhovuju siesiju Pałaty 7 vieraśnia. Adpaviedny ŭkaz byŭ padpisany biez šumu i pyłu jašče 19 lipienia. Ź vialikaj imaviernaściu možna prahnazavać, što na toj siesii pryznačać datu vybaraŭ.
Farmalna siesiju sklikajuć dziela taho, kab zahadzia razhledzieć prajekt biudžetu na novy hod. Matyvacyja nie vytrymlivaje krytyki: jaki biudžet u vieraśni, kali ceny na haz dy naftu viłami pa vadzie pisanyja? U byłyja hady hety biudžet pastfaktum pierarablali šmatkroć ź lohkaściu niejmaviernaj.
Nie pra toje balić hałava ŭ vysokaha načalstva.
Usio bolej čyńnikaŭ padšturchoŭvajuć pravieści vybary raniej, čym strelić navahodniaje šampanskaje. Infarmacyjnaja vajna tolki raskručvajecca, i tut pačynaje ŭžo dziejničać zakon eskałacyi kanfliktahienaŭ. U luby momant moža vybuchnuć razborkami kryva źlepleny Mytny źviaz. Čym dalej, tym bolšaja imaviernaść, što Maskva strelić svaim kandydatam, termajadziernym kampramatam, šalonym ceńnikam na enierhanośbity i h.d.
Pavodle Vybarčaha kodeksa, kampanija doŭžycca kala troch miesiacaŭ. Tamu, zirnuŭšy ŭ kalandar, možna vyznačyć imaviernuju datu vybaraŭ — niadziela, 12 śniežnia.
Chutčej, chutčej, pakul Maskva nie pačała ściabać puhaj pa poŭnaj prahramie!
Pieradvybarčaja kampanija
Tym časam sa žniŭnia na 12,5% pavyšajucca piensii. Buduć za vušy ciahnuć uhoru i zarobki. Pačynajecca napampoŭvańnie ekanomiki pustoj hrašovaj masaj. Paśla vybaraŭ, prahnazujuć ekanamisty, heta vyljecca ŭ inflacyju, devalvacyju i h.d. Maskva niepaźbiežna pavysić ceny na haz. Nieviadoma što budzie z naftaj. Nastanie čas spłočvać vialikija hrošy pa zamiežnych pazykach.
Karaciej,
čarhovaja prałanhacyja paŭnamoctvaŭ viadomymi sposabami nie vyrašaje dla Łukašenki nivodnaj prablemy. Naadvarot, jany kancentrujucca ŭ hrymučuju sumieś.
Ciapier čytajuć
U daždžavikach i pa kalena ŭ hrazi. Čynoŭnikaŭ u doždž pahnali na subotnik, sam Łukašenka nie pajšoŭ31
U daždžavikach i pa kalena ŭ hrazi. Čynoŭnikaŭ u doždž pahnali na subotnik, sam Łukašenka nie pajšoŭ
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary