Malanka na miesiac uvodzić adziny taryf na zaradku elektramabilaŭ
Sietka chutkich zaradnych stancyj Malanka na miesiac uvodzić adziny taryf na zaradku elektramabilaŭ pa ŭsioj Biełarusi.

Z 1 pa 31 lipienia 2026 hoda na ŭsich chutkich zaradnych stancyjach kampanii budzie dziejničać fiksavanaja cana na elektraenierhiju — 65 kapiejek za kVt·hadzinu. Hety taryf budzie adnolkavym u luby čas sutak, tamu kiroŭcam elektrakaraŭ nie treba budzie padładžvacca pad načnyja abo inšyja vyhadnyja pieryjady.
Jak adznačajecca, akcyja raspaŭsiudžvajecca na ŭsie stancyi Malanka ŭ krainie. Poŭny pieralik stancyj apublikavany kampanijaj asobna.
Takim čynam, na praciahu miesiaca zaradka stanie bolš pradkazalnaj pa košcie, choć i nie źmianiaje ahulnaj tendencyi da rostu taryfaŭ: raniej, z 10 sakavika, kampanija ŭžo pavyšała košty jak na pavolnuju, tak i na chutkuju zaradku — pieršuju z 49 da 55 kapiejek za kVt⋅h, druhuju — z 65 da 73 kapiejek.
Kamientary