Voś što ludzi pišuć ab prablemach z dostupam da jutuba i telehrama pa načach
Najbolšuju kolkaść łajkaŭ sabraŭ kamientar: «Ja ŭ hetyja hulni ŭžo hulaŭ» z kadram ź sieryjała «Hulnia ŭ kalmara».
Na hetym tydni žychary Biełarusi sutyknulisia z maštabnymi zbojami pry sprobie skarystacca papularnymi zamiežnymi servisami. Heta zdaryłasia ŭnačy z 14 na 15 krasavika.
Pad videarolikam, jaki paviedamlaje pra hetuju prablemu, karystalniki aktyŭna dzielacca emocyjami i ŭłasnym dośviedam.
Najbolšuju kolkaść łajkaŭ sabraŭ kamientar: «Ja ŭ hetyja hulni ŭžo hulaŭ» z kadram ź sieryjała «Hulnia ŭ kalmara».
Mnohija karystalniki iranizujuć:
«Chmmm, padazrona… Niedzie ja heta ŭžo bačyŭ, ale nie mahu zrazumieć dzie. Napeŭna, abstalavańnie stareje, treba napisać u Google, kab zamianili», — žartuje adzin z padpisčykaŭ.
«Tak-tak, u nas taksama pisali, što heta abstalavańnie YouTube sastarvajecca», — padchoplivaje ironiju inšy.
Siarod papularnych dopisaŭ sustrakajucca i skarhi na jakaść suviazi:
«Wi-Fi staŭ drenna pracavać. A hrošy jakija biaruć! Za što?»
U svaju čarhu, rasijanie zaŭvažajuć u kamientarach, što ŭ ich krainie ŭsio pačynałasia takim ža čynam.
Niechta ŭ rospačy pytajecca: «Dyk a kudy ciapier źjazdžać?», na što atrymlivaje pravakacyjnuju paradu — «Na SVA».
Rasijanie davodziać, što ŭ ich padobnym čynam pačynałasia ŭviadzieńnie błakavańnia.
Biełarusy ŭ svaju čarhu źviartajucca da ŭładaŭ: «Tolki nie śpisvajcie adzin-da-adnaho…»
Adnak znajšlisia i tyja, chto pačaŭ krytykavać aŭtaraŭ kamientaroŭ: maŭlaŭ, zamiest taho kab nočču spać, ludzi siadziać u internecie. Im u adkaz stali davodzić, što mnohija ŭ načny čas pracujuć i dostup da sieciva im nieabchodny dla spravy.
Byli i skieptyki, jakija śćviardžali: «Usio heta niapraŭda, u mianie ŭsio pracuje».
Im adrazu patłumačyli, što prablema łakalizavanaja i tyčycca mienavita načnych hadzin.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary
Nie možiet skotnyj dvor, postrojennyj na zadvorkach druhoho, bolšieho skotnoho dvora, otličaťsia ot bolšieho skotnoho dvora, kotoryj obieśpiečivajet sodieržanije i niezakonnoje udieržanije vłasti, rasporiaditiela skotnoho dvora postrojennoho na zadvorkach, otličaťsia v łučšuju storonu.
[Zredahavana]