Łukašysty praciahvajuć «Spravu kniharoŭ». Ź SIZA KDB vypuścili kniharaspaŭsiudnika Alesia Jaŭdachu, a ź IČU — vydaŭca Vacłava Bahdanoviča. Ale pry hetym učora aryštavany hałoŭny redaktar vydaviectva «Technałohija», i, miarkujučy pa najaŭnaj infarmacyi, havorka pra kryminalnuju spravu.
Nahadajem, što 3 sakavika «ekstremisckim farmavańniem» pryznali «kaalicyju drukavanych vydaviectvaŭ «Fond Kamunikat.org», Lohvinau Publishing House, Andrei Yanushkevich Publishing. Adpaviednaje rašeńnie pryniaŭ Kamitet dziaržaŭnaj biaśpieki.
Hetaje rašeńnie stała praciaham masavych zatrymańniaŭ vydaŭcoŭ i kniharaspaŭsiudnikaŭ u Minsku, jakija adbylisia ŭ lutym. Usich zatrymanych spačatku adpravili na sutki pa administratyŭnych pratakołach, składzienych, jak zvyčajna ciapier, z nadumanych padstaŭ.
U śpisie ludziej, jakich ułady ličać źviazanymi z hetaj «kaalicyjaj», — viadomyja ŭ knižnym asiarodździ imiony. Taksama ŭ pieralik uklučyli sajty i sacyjalnyja sietki vydaviectvaŭ.
Aryštoŭvali tych, kaho adnieśli da dziejnaści kaalicyi.
Ludzi, jakich zahrabli pavodle hetaj spravy, byli vielmi roznyja: adzin hienijalny pierakładčyk, druhi knihanoša z «Biełaha lehijona», a treci kłasičny biznesoviec.
Siońnia stała viadoma, što Alesia Jaŭdachu vypuścili ź SIZA KDB, a Bahdanoviča — ź IČU. Ale ŭ zaścienkach KDB zastajecca vybitny pierakładčyk i vydaviec Źmicier Kołas.
Hałoŭnaha redaktara vydaviectva «Technałohija» Źmitra Sańko ŭ lutym zatrymlivali, ale nie aryštavali. I voś pryjšła infarmacyja, što jaho zatrymali paŭtorna, i hetym razam, miarkujučy pa ŭsim, havorka idzie pra kryminalnuju spravu.
Źmicier Sańko — patryjarch biełaruskaj intelihiencyi i šmat dla kaho — maralny kamierton. Kandydat bijałahičnych navuk i adnačasova movaznaviec, jon byŭ adnym z zasnavalnikaŭ Tavarystva biełaruskaj movy imia Franciška Skaryny. Jon pracavaŭ u Instytucie bijaarhaničnaj chimii Akademii navuk, paśla čaho ad 1978 hoda źviazaŭ svajo žyćcio z akademičnym vydaviectvam «Navuka i technika» (siońnia «Biełaruskaja navuka»). A ad 1995 hoda, bolš za 30 hadoŭ, pracavaŭ hałoŭnym redaktaram vydaviectva «Technałohija» — jano spyniła svaju dziejnaść paśla lutaŭskich aryštaŭ.
31 sakavika Źmitru Sańku spoŭnicca 76 hadoŭ.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary
Isśledovanije sostojanija borozdok DNK v ciełych kletkach eukariotov: Avtorief. dis. … kand. bioł. nauk. — M., 1977. — 16 s.
Sostojanije borozdok DNK v mono- i olihonukleosomach i v kompleksach DNK s individualnymi histonami // Molekularnaja biołohija. 1978. T. 12, vyp. 2. S. 365—371 (sovmiestno s A. M. Kołčinskim, V. V. Šikom, A. D. Mirzabiekovym, A. Hiniejtisom).
Artykuły:
Protein arrangement in the DNA grooves in chromatin and nucleoprotamine in vitro and in vivo revealed by methylation // Eur. J. Biochem. 1977. Vol. 75. P. 379—389 (with A. D. Mirzabekov, A. M. Kolchinsky, A. F. Melnikova).
Dva prostych mietoda vydielenija DNK iz raźličnych istočnikov s primienienijem cietavłona // Biochimija. 1977. T. 42, vyp. 10. S. 1783—1790 (sovmiestno s V. I. Naktinisom, N. Je. Malejevoj, A. D. Mirzabiekovym).
Heta z taho, savieckaha pieryjadu, žyćcia čałavieka. Barozdki DNK - toje samaje miesca, jakoje pramacvajecca rehulatarami transkrypcyi. Ich lik u čałavieka idzie na tysiačy na adzi hien, ekspresiju katoraha jany pavinny vyznačyć.
Ja nie mieŭ anijakich šancaŭ ubačyć svoj pierakład nadrukavanym, ale źviartaŭsia mienavita da sp. Źmitra.
Sp. supracoŭniki KDB spyniciesia zaraz. Ź Mikałaja Łukašenka Źmitra Sańko vam nie zrabić.
Vyzvalajcie terminova. 75-hod nie toj uzrost dla takich ispytaŭ.
[Zredahavana]