U Smalenskaj vobłaści supracoŭniki Rasielhasnahladu spynili sprobu niezakonnaha vyvazu pradukcyi ŭ Biełaruś. Pravierka pravodziłasia 3 sakavika 2026 hoda sumiesna z supracoŭnikami darožna-patrulnaj słužby miascovaha ŭpraŭleńnia MUS.
Padčas kantrolu byŭ zatrymany hruzavy aŭtamabil, jakim kiravaŭ hramadzianin Biełarusi i jaki nakiroŭvaŭsia ŭ Minsk. U mašynie znachodziłasia kala čatyroch ton suchafruktaŭ i arechaŭ roznych vidaŭ.
Pavodle markiroŭki na ŭpakoŭcy vyśvietliłasia, što pradukcyja pachodziła z roznych krain. Jana była adpraŭlenaja z maskoŭskaha aptovaha charčovaha centra «Fud Sici», ale nie mieła nieabchodnaha fitasanitarnaha siertyfikatu, jaki pavinien supravadžać takuju pradukcyju pry pieravozcy.
Śpiecyjalisty praviali łabaratornuju fitasanitarnuju ekśpiertyzu. Va ŭziatych uzorach nie znajšli niebiaśpiečnych karancinnych škodnikaŭ. Adnak z-za adsutnaści patrebnych dakumientaŭ pieravozku hruzu ŭ Biełaruś zabaranili.
6 sakavika hruz viarnuli nazad u Maskvu — u miesca, adkul jon byŭ adpraŭleny. Pieravozčyka pryciahnuli da administracyjnaj adkaznaści za parušeńnie pravił pieravozki padkarancinnaj pradukcyi.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary