Siońnia na Alimpijadzie pasprabujuć paŭtorna vystupić frystajlistki, a taksama ŭ hornych łyžach paspaborničaje Maryja Škanava
Učora kvalifikacyja ŭ łyžnaj akrabatycy ŭ frystajle była admienienaja z-za mocnaha śniehapadu. Tamu kvalifikacyjnyja skački i finał adbudziecca ŭ adzin dzień, kali dazvolić nadvorje.
Pieršaja kvalifikacyja projdzie a 12‑j pa minskim časie, druhaja a 12:45.
Troje biełarusak siarod inšych 25 dziaŭčat vystupiać u pieršaj kvalifikacyi. Hanna Huśkova budzie skakać šostaj, Hanna Dziaruha — 11-j, a Anastasija Andryjanava — 23-j.
Zadača adabracca ŭ top-6, kab trapić u finał.
Z druhoj kvalifikacyi taksama adbiarucca šeść najlepšych.
U vyniku ŭ finale (15:00) vystupiać 12 frystajlistak, jakija razyhrajuć miedali.
Biełaruskija frystajlisty brali miedali na kožnaj Zimovaj Alimpijadzie, pačynajučy z 1998 hoda, u tym liku ŭ 2010, 2014 i 2018 hadach załatyja ŭznaharody. Hanna Huśkova zavajavała zołata na Alimpijadzie-2018 i srebra na Alimpijadzie-2022.
A 12‑j startujuć spabornictvy ŭ žanočym słałamie.
Na trasu vyjduć 95 dziaŭčat, u tym liku Maryja Škanava, u jakoj 44‑y numar. Dla traplańnia ŭ druhuju sprobu nieabchodna pakazać vynik u top-30. Dla biełaruskaj harnałyžnicy hetaja Alimpijada stanie piataj u karjery.
Fihurystka Viktoryja Safonava zaviaršyła ŭčora svoj udzieł, jana zaniała 26‑ie miesca ŭ karotkaj prahramie, nie zdoleŭšy prabicca ŭ 24 fihurystak, što pazmahajucca za miedali ŭ svabodnaj prahramie.
Paśla 11 dzion Alimpijady ŭpeŭniena lidziruje Narviehija, Italija — druhaja, ZŠA na trecim miescy.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary