Rasijskija sistemy SPA padčas apieracyi ZŠA ŭ Vieniesuele akazalisia ni da čaho nie prydatnymi
The New York Times paviedamlaje, što rasijskija sistemy supraćpavietranaj abarony, pastaŭlenyja Vieniesuele, akazalisia faktyčna nieprydatnymi padčas amierykanskich udaraŭ, jakija papiaredničali apieracyi ZŠA pa zachopie prezidenta krainy Nikałasa Madura. Pavodle vydańnia, padčas apieracyi 3 studzienia kompleksy C-300 i «Buk-M2» navat nie byli padklučanyja da radaraŭ i nie mahli efiektyŭna reahavać na pahrozu.
Rasijski kompleks C-300. Zdymak ilustracyjny. Fota: Wikimedia Commons
Jak śćviardžajuć byłyja amierykanskija čynoŭniki i analityki, vieniesuelskija sistemy SPA nie byli źviazanyja pamiž saboj i, mahčyma, nie pracavali ŭžo niekalki hadoŭ. Analiz fotazdymkaŭ, videa i spadarožnikavych danych pakazaŭ, što častka elemientaŭ kompleksaŭ znachodziłasia na składach i nie była pryviedziena ŭ bajavuju hatoŭnaść. Amierykanskija vojski najpierš nanosili ŭdary pa miescach zachoŭvańnia i raźmiaščeńnia zienitnych kompleksaŭ «Buk», u tym liku kala Karakasa.
Adzin z udaraŭ adbyŭsia ŭ partovym horadzie Ła-Huajra. Miascovyja ŭłady zajaŭlali, što ataka była nakiravanaja na składy ź lekami, adnak na videa byli bačnyja reštki puskavych ustanovak «Buk» i abłomki rakiet. Padobnyja ŭdary zafiksavali i ŭ susiednich haradach, a taksama na avijabazach, dzie byli źniščanyja jak puskavyja ŭstanoŭki, tak i kamandnyja punkty kompleksaŭ SPA.
Pavodle amierykanskich krynic, Vieniesueła mieła surjoznyja prablemy z absłuhoŭvańniem rasijskich sistem z-za niedachopu śpiecyjalistaŭ i zapčastak, patrebnych Rasii va Ukrainie. Nie vyklučajecca, što Maskva śviadoma dapuściła zaniapad hetych uzbrajeńniaŭ, kab nie spravakavać pramoje sutyknieńnie z ZŠA. Źbićcio amierykanskaha samalota mahło b mieć surjoznyja nastupstvy dla Kramla.
Vieniesuelskija vajskoŭcy, pavodle analitykaŭ, dapuścili ceły šerah pamyłak: siły nie byli raśsiarodžanyja, radary nie byli aktyvavanyja, a sistemy — uviedzienyja ŭ stroj. U vyniku SPA krainy nie ŭjaŭlała istotnaj pahrozy i dazvoliła ZŠA dziejničać amal bieśpieraškodna.
Taksama adznačajecca, što Vieniesueła amal nie vykarystoŭvała rasijskija pieranosnyja zienitnyja kompleksy «Ihła-S», niahledziačy na zajavy Madura pra ich vialikuju kolkaść. Paśla niekalkich puskaŭ amierykanskaja avijacyja naniesła žorstkija ŭdary ŭ adkaz, što, na dumku čynoŭnikaŭ ZŠA, mahło adbić u vieniesuelskich vajskoŭcaŭ žadańnie karystacca hetymi sistemami.
Sałaŭjoŭ zaklikaje pačać «SVA» ŭ Armienii
Tramp pahražaje Kubie: Zaklučycie ździełku, pakul nie pozna
«Hałava vybuchała znutry». Bieły dom raspaŭsiudziŭ śviedčańni ab vykarystańni sakretnaj zbroi pry zachopie Madura
Pierad apieracyjaj zachopu Madura Vatykan prasiŭ pra jahonuju evakuacyju ŭ Rasiju
«Hruby impieryjalizm». Źjaviŭsia analiz novaj palityki ZŠA vačyma łukašenkaŭskich siłavikoŭ
Ciapier čytajuć
U zahinułaj u Ślapiancy dziaŭčynie apaznali Janu Kastrankovu2
Kamientary