Tramp nazvaŭ adziny kozyr, jaki jość u Zialenskaha ŭ supraćstajańni z Rasijaj
Prezident ZŠA Donald Tramp zajaviŭ, što na siońniašni dzień adzinaj realnaj pieravahaj prezidenta Ukrainy Uładzimira Zialenskaha ŭ supraćstajańni z Rasijaj źjaŭlajecca jahonaja padtrymka. Pra heta Tramp skazaŭ u intervju vydańniu The New York Times.
Žurnalisty nahadali Trampu pra sustreču ź Zialenskim u Biełym domie, kali prezident ZŠA adznačyŭ, što ŭ ŭkrainskaha lidara «niama kozyraŭ» dla ŭrehulavańnia kanfliktu. U adkaz Tramp padkreśliŭ, što, na jaho dumku, Zialenski nie mieŭ takich «kartaŭ» ad samaha pačatku kanfliktu i nie maje ich dahetul, za vyklučeńniem adnoj:
«U jaho jość tolki adno: […] Donald Tramp», — skazaŭ jon.
Prezident ZŠA dadaŭ, što bieź jahonaha asabistaha ŭdziełu situacyja mahła b pieratvarycca ŭ poŭnuju katastrofu, i heta, pavodle Trampa, razumiejuć i Zialenski, i jeŭrapiejskija lidary, i inšyja krainy. Taksama Tramp vykazaŭ mierkavańnie, što pry jaho adsutnaści kanflikt moh by pieraraści ŭ treciuju suśvietnuju vajnu, adnak ciapier, zapeŭniŭ jon, takoha scenaru nie budzie.
Adkazvajučy na pytańnie pra terminy zaviaršeńnia bajavych dziejańniaŭ, Tramp adznačyŭ, što ZŠA robiać usio mahčymaje dla mirnaha ŭrehulavańnia. Jon pryznaŭsia, što rasčaravany tym, što da studzienia nie ŭdałosia dasiahnuć damoŭlenaści pamiž Rasijaj i Ukrainaj. Pavodle jaho słoŭ, jon aznajomiŭsia z płanam mirnaha ŭrehulavańnia z 20 punktaŭ, i prezident Rasii Uładzimir Pucin vykazaŭ jamu svajo mierkavańnie nakont hetaha dakumienta.
Tramp zajaviŭ, što ličyć Pucina hatovym da zaklučeńnia damovy. Pry hetym jon adznačyŭ, što byvajuć situacyi, kali z adnym lidaram udajecca damovicca, a druhi bok admaŭlajecca ad prapanavanych umoŭ. Na jaho dumku, ciapier abodva baki, mahčyma, hatovyja da pahadnieńnia, ale heta jašče treba paćvierdzić.
U toj ža čas prezident ZŠA admoviŭsia kamientavać mahčymaść uzmacnieńnia vajennaj padtrymki Ukrainy ŭ vypadku admovy Rasii ad mirnaha płana. Jon rastłumačyŭ heta niežadańniem zahadzia rabić zajavy, bo ličyć svaim abaviazkam sprabavać zachavać čałaviečyja žyćci.
Kit Kiełah pra Zialenskaha: Jon žorstki sukin syn
Ukraina i ZŠA mohuć padpisać u Davosie pahadnieńnie ab adnaŭleńni na 800 młrd dalaraŭ
Tramp zarepościŭ artykuł «Pustasłoŭje Pucina pra «ŭdar» pa im pakazvaje, što mienavita Rasija staić na pieraškodzie miru»
Zialenski pra mirnyja pieramovy: Ukraina nie moža prosta admovicca ad svaich terytoryj
Zialenski: Ukraina choča atrymać ad ZŠA harantyi biaśpieki na 30—50 hadoŭ, Tramp abiacaŭ padumać
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary
[Zredahavana]