Irak pačaŭ nacyjanalizacyju najbujniejšaha zamiežnaha aktyvu «Łukojła»
Urad Iraka zaćvierdziŭ płan nacyjanalizacyi apieracyj na naftavym radoviščy «Zachodniaja Kurna — 2», jakoje na 75% naležyć rasijskamu «Łukojłu» i źjaŭlajecca jaho najbujniejšym zamiežnym aktyvam, paviedamlaje Reuters.
Na praciahu hoda kiravańnie radoviščam voźmie na siabie dziaržaŭnaja irakskaja kampanija Basra Oil. Meta ŭrada Iraka — zabiaśpiečyć bieśpierapynnuju zdabyču nafty na fonie sankcyj ZŠA suprać «Łukojła». Padčas hetaha pieryjadu Basra Oil budzie vypłačvać zarobki rabotnikam, apłačvać rabotu padradčykaŭ i nieści inšyja apieracyjnyja vydatki.
Zdabyča na radoviščy zachoŭvajecca stabilnaj — kala 465—480 tysiač baralaŭ na sutki.
«Zachodniaja Kurna — 2» źjaŭlajecca adnym z najbujniejšych naftavych radoviščaŭ u śviecie, zabiaśpiečvajučy prykładna 0,5% suśvietnych pastavak nafty i 9% zdabyčy ŭ Iraku.
«Łukojł» raspracoŭvaje radovišča z 2009 hoda, a kamiercyjnaja zdabyča tam pačałasia ŭ 2014-m. U listapadzie kampanija abviaściła fors-mažor paśla ŭviadzieńnia sankcyj ZŠA, jakija, adnak, dazvalajuć pradać zamiežnyja aktyvy. «Łukojłu» treba zaviaršyć prodaž da 17 studzienia.
Sa źviestak Reuters, siarod patencyjnych pakupnikoŭ — amierykanskija naftavyja hihanty Exxon Mobil, Chevron i pryvatnaja inviestycyjnaja kampanija Carlyle.
Rasija z-za źnižak Kitaju i Indyi pradaje naftu sa stratami
Adna z najbahaciejšych siemjaŭ Saudaŭskaj Aravii choča nabyć zamiežnyja aktyvy «Łukojła»
Suśvietnyja ceny na naftu ŭpali da ŭzroŭniaŭ 2021 hoda
ZŠA adkłali častku sankcyj suprać rasijskaha «Łukojła»
Rasija stračvaje kantrol nad Uschodniaj Jeŭropaj — ale razmova nie pra Biełaruś
Pobač z Łukašenkam na chakiei źjaviłasia novaja pryhažunia10
Kamientary
toje samaje pa usiamu śviet, Bałharyja, Finlandyja, Sierbija, etc. siońnia Tramp uchvaliŭ sankcyjny zakonaprajekt, jaki prapanuje 500% taryfy dla krain, što nabyvajuć rasijskuju naftu, uklučajučy Indyju, Kitaj i Braziliju. Maskoŭskim drapiežnikam pryadziecca šmat ciarpieć ŭ 2026