Na miažy Tadžykistana i Afhanistana adbyłosia ŭzbrojenaje sutyknieńnie, zahinuli jak minimum troje
24 śniežnia na miažy dźviuch krain zahinuli dva tadžykskija aficery i niekalki ŭzbrojenych asob z afhanskaha boku. Incydent adbyŭsia ŭ rajonie Bacharak, paviedamlaje Radyjo Svaboda Tadžykistan.
Zahinułymi z boku Tadžykistana akazalisia 28‑hadovy Ismatuła Kurbonaŭ i 33‑hadovy Zirebon Nazruźbiekaŭ.
Krynica Radyjo paviedamiła pra niekalkich zabitych i adnaho zatrymanaha z afhanskaha boku, adnak vydańnie nie zmahło pravieryć hetuju infarmacyju.
Kanflikt adbyŭsia ŭ toj samy dzień, kali Tadžykistan uvioŭ u ekspłuatacyju čatyry novyja pamiežnyja pasty na miažy z Afhanistanam. Śćviardžajecca, što jany byli pabudavanyja ŭ vysakahornych rajonach i raniej nie mieli naležnaj achovy.
Afhanskaje vydańnie «Chašci subch» 24 śniežnia sa spasyłkaj na svaje krynicy piša, što ŭ ahni ŭ adkaz tadžykskich sił byli zabityja dva ŭzbrojenyja čałavieki z afhanskaha boku.
Ranicaj 25 śniežnia Dziaržaŭny kamitet nacyjanalnaj biaśpieki Tadžykistana paćvierdziŭ infarmacyju pra ŭzbrojenaje sutyknieńnie.
Kamientary