«Heta nie pačatak vajny — heta abviaščeńnie pra pomstu». ZŠA nanieśli ŭdary pa celach «Isłamskaj dziaržavy» ŭ Siryi
Vajskoŭcy ZŠA ŭ piatnicu nanieśli ŭdary pa dziasiatkach abjektaŭ «Isłamskaj dziaržavy» ŭ Siryi ŭ adkaz na napad bajevikoŭ na siryjska-amierykanski patrul u Palmiry na minułym tydni, u vyniku jakoha zahinuli troje amierykancaŭ, piša Bi-bi-si.
Ministr abarony ZŠA Pit Chiehsiet napisaŭ u X , što ŭdary ŭ ramkach apieracyi «Udar jastraba» (Hawkeye strike) nanosilisia pa «bajavikach, infrastruktury i zbrojevych abjektach» «Isłamskaj dziaržavy». «Heta nie pačatak vajny — heta abjava ab pomście. Siońnia my palavali na našych vorahaŭ i zabivali ich. Šmat. I my praciahniem», — dadaŭ Chiehsiet.
Prezident ZŠA Donald Tramp u svajoj sacsietcy Truth Social nazvaŭ apieracyju «vielmi surjoznym udaram adpłaty».
10 listapada Tramp pryniaŭ u Biełym domie časovaha prezidenta Siryi Achmieda aš-Šaraa. Paśla sustrečy Siryja dałučyłasia da mižnarodnaj kaalicyi z 88 krain dla baraćby z «Isłamskaj dziaržavaj».
Jak napisaŭ Tramp, u Siryi jość šaniec na śvietłuju budučyniu, «kali ID atrymajecca vykaranić», a ciapierašni kiraŭnik Siryi, pavodle jaho słoŭ, rupliva pracuje nad tym, kab viarnuć krainie «vielič».
U apošnija miesiacy kaalicyja, jakuju ŭznačalvaje ZŠA, pravodziła ŭ Siryi avijaŭdary i naziemnyja apieracyi suprać padazravanych u suviaziach z «Isłamskaj dziaržavaj» — časta z udziełam siryjskich sił biaśpieki. U minułym miesiacy Siryja ŭ ramkach ahulnanacyjanalnaj kampanii aryštavała bolš za 70 čałaviek, abvinavačanych u suviaziach ź ID.
Napad u Palmiry
Dvoje vajskoŭcaŭ armii ZŠA i hramadzianski pierakładčyk byli zabityja ŭ subotu 13 śniežnia ŭ siryjskaj Palmiry ŭ vyniku napadu na sumiesny kanvoj amierykanskich i siryjskich vojskaŭ. Napadnika zastrelili, Ministerstva ŭnutranych spraŭ Siryi acharaktaryzavała jaho jak člena siryjskich sił biaśpieki, zapadozranaha ŭ simpatyjach da «Isłamskaj dziaržavy».
Napad staŭ pieršym padobnym incydentam paśla źviaržeńnia raniejšaha siryjskaha prezidenta Bašara Asada ŭ śniežni minułaha hoda.
Paśla padzieńnia režymu Asada novyja ŭłady Siryi dahetul kantralujuć nie ŭsiu krainu.
Napad na amierykanski piersanał jakraz i adbyŭsia ŭ rajonie, niepadkantrolnym siryjskamu ŭradu.
Padčas svajho pieršaha prezidenckaha terminu Tramp nie raz krytykavaŭ amierykanskuju prysutnaść u Siryi. U 2018 hodzie jon abjaviŭ ab pieramozie nad ID i rasparadziŭsia vyvieści amierykanskija vojski.
Zaraz u Siryi pa-raniejšamu zastajecca kala 1 000 amierykanskich vajskoŭcaŭ. Amierykanskija siły dysłakavanyja na paŭnočnym uschodzie Siryi, kantralavanym kurdskimi farmavańniami, a taksama na bazie Et-Tanf u Chomsie na paŭdniovym uschodzie Siryi pablizu miažy ź Iardanijaj i Irakam.
U apošnija miesiacy kaalicyja, jakuju ŭznačalvaje ZŠA, pravodziła ŭ Siryi avijaŭdary i naziemnyja apieracyi suprać padazravanych u suviaziach z «Isłamskaj dziaržavaj» — časta z udziełam siryjskich sił biaśpieki. U minułym miesiacy Siryja ŭ ramkach ahulnanacyjanalnaj kampanii aryštavała bolš za 70 čałaviek, abvinavačanych u suviaziach ź ID.
Kamientary