U Čavusach pabudujuć zavod, jakoha ŭ Biełarusi dahetul nie było
U Čavusach na Mahiloŭščynie płanujuć pabudavać admietny dla Biełarusi zavod, jaki budzie zajmacca hłybokaj pierapracoŭkaj alejnych kultur. Padrychtoŭka da hetaha maštabnaha inviestycyjnaha prajekta ŭžo pačałasia, paviedamlaje sb.by.
Asablivaść pradpryjemstva ŭ tym, što jano stanie pieršym u krainie, dzie adnačasova buduć pierapracoŭvać try vidy syraviny — raps, słaniečnik i soju. Uvohule zavody takoha profilu ŭ Biełarusi jość, ale takoha farmatu, kab mahli pracavać adrazu z tryma kulturami — jašče nie.
Budaŭnictva płanujuć pačać u krasaviku 2026 hoda, a zapusk vytvorčaści namiečany na kaniec 2027-ha. Na zavodzie stvorać bolš za 70 pracoŭnych miescaŭ, a mahutnaści dazvolać pierapracoŭvać da 1000 ton syraviny za sutki.
Vybar Čavusaŭ dla realizacyi prajekta tłumačać vyhadnym raźmiaščeńniem. Zavod źjavicca pobač z čyhunačnaj stancyjaj, što dazvolić chutka i zručna naładzić pastaŭki, u pieršuju čarhu ŭ Rasiju. Mienavita ekspartny patencyjał staŭ adnym z klučavych arhumientaŭ dla inviestaraŭ.
Zasnavalnikam prajekta vystupaje rasijskaja kampanija «PramServis», a biełaruskaje pradpryjemstva TAA «Ahra pasad» płanuje ŭkłaści ŭ budaŭnictva kala 160 miljonaŭ rubloŭ. Akramia taho, rasijski partnior užo źviarnuŭsia da miascovych uładaŭ z prośbaj vydzielić kala 3000 hiektaraŭ ziamli dla vyroščvańnia alejnych kultur, najpierš rapsu.
U pierśpiektyvie prajekt moža atrymać dalejšaje raźvićcio — u tym liku praz stvareńnie asobnaj sielskahaspadarčaj kampanii, jakaja budzie zabiaśpiečvać zavod ułasnaj syravinaj.
Čamu ciapierašniaja tušonka zachoŭvajecca tolki 2 hady, a ŭ savieckija časy ŭ razy daŭžej?
Homielski zavod «Santeks» vykarystoŭvajecca jak pasiarednik pry pastaŭcy ŭ Rasiju bajavych dronaŭ
Pad Viciebskam pačali vyrablać białkovyja batončyki. Praŭda, pakul što nie dla biełarusaŭ
«Čamu ŭsie maŭčać pra biełaruski Villeroy&Boch?»: biełaruska ŭ zachapleńni ad Dobrušskaha farforu
Kamientary