U Łuninieckim rajonie pa kropli kryvi ŭstanavili złačyncu, jaki ździejśniŭ kradziež u 2020 hodzie
Piać hadoŭ tamu abakrali dom 51‑hadovaj žančyny. Jana tam pastajanna nie žyvie, tamu pabačyła, što dom abakrali, tolki praź niekalki dzion.
U śniežni 2020 hoda byŭ praviedzieny ahlad miesca zdareńnia, u chodzie jakoha byli ŭziatyja dokazy — kroŭ i ślady palcaŭ ruk. Jak vyśvietliłasia, kab praniknuć u dom, złamyśnik raźbiŭ akno i pry hetym paraniŭsia. Na toj momant ustalavać asobu, datyčnuju da ździajśnieńnia kradziažu, nie ŭdałosia. Adnak, jak pakazała dalejšaje raźvićcio padziej, heta było tolki pytańniem času.
U vieraśni 2025 hoda padčas praviadzieńnia paraŭnalnaha daśledavańnia pa raniej atrymanych bijałahičnych uzorach ekśpiertam-hienietykam udałosia ŭstanavić supadzieńnie z žycharom Łuninieckaha rajona 2005 hoda naradžeńnia. Heta stała padstavaj dla adnaŭleńnia papiaredniaha rasśledavańnia pa kryminalnaj spravie, paviedamlaje Dziaržkamitet sudovych ekśpiertyz.
Dokazam datyčnaści maładoha čałavieka da kradziažu stali i ślady palcaŭ ruk. Darečy, na momant ździajśnieńnia złačynstva jamu było 15 hadoŭ. U kastryčniku hetaha hoda ŭ padazravanaha byli ŭziatyja adbitki palcaŭ i dałoniaŭ. Pry praviadzieńni daktyłaskapičnaj ekśpiertyzy śpiecyjalistam było ŭstanoŭlena, što śled palca ruki, kanfiskavany ŭ 2020 hodzie padčas ahladu miesca kradziažu, supadaje z adbitkam padazravanaha.
Dziakujučy pieradavym technałohijam, aŭtamatyzacyi pracesaŭ, vykarystańniu sučasnaha abstalavańnia pry viadzieńni kryminalistyčnych i hienatypaskapičnych ulikaŭ, a taksama sumiesnaj pracy pravaachoŭnych orhanaŭ udajecca raskryvać złačynstvy minułych hadoŭ.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała9
Kamientary