Prezident Francyi zaklikaŭ Kitaj sadziejničać pošuku mirnaha šlachu spynieńnia vajny va Ukrainie.
Padčas pres-sustrečy sa staršyniom KNR Si Czińpinam u Vialikim narodnym pałacy ŭ Piekinie ŭ čaćvier Makron vykazaŭ nadzieju, što Piekin dałučycca da namahańniaŭ Francyi, nakiravanych na toje, kab jak maha chutčej dabicca chacia b prypynieńnia rasijskich udaraŭ pa krytyčnaj infrastruktury Ukrainy, piša Deutsche Welle.
Jon taksama adznačyŭ, što Francyja i Kitaj jak pastajannyja členy Rady Biaśpieki AAN niasuć asablivuju adkaznaść.
Si Czińpin znoŭ zajaviŭ pra imknieńnie Piekina damahacca miru va Ukrainie i zapeŭniŭ, što Kitaj praciahnie hrać kanstruktyŭnuju rolu. Pry hetym kitajski lidar adchiliŭ sproby ŭskłaści adkaznaść za vajnu na adzin z bakoŭ.
Kitaj ličać najvažniejšym prychilnikam Rasii ŭ raźviazanaj joju vajnie suprać Ukrainy. Pamiž Piekinam i Maskvoj zachoŭvajucca aktyŭnyja kantakty i handal. Kitaj nie asudziŭ uzbrojenaje ŭvarvańnie i faktyčna padtrymlivaje RF svajoj pazicyjaj. Akramia taho, Piekinu staviać u vinu pastaŭki tavaraŭ dvajnoha pryznačeńnia, jakija mohuć być vykarystanyja rasijskim vajenna-pramysłovym kompleksam.
Pierad pajezdkaj u Kitaj Makron i prezident Ukrainy Uładzimir Zialenski abmierkavali ŭ Paryžy z sajuźnikami stan pieramovaŭ ab spynieńni vajny.
Emanuel Makron znachodzicca ŭ Kitai ŭžo z čaćviortym dziaržaŭnym vizitam. Si Czińpin i jahonaja žonka Pen Lijuań vitali Makrona ź jaho žonkaj Bryžyt u Vialikim narodnym pałacy. Prezidenta Francyi supravadžaje delehacyja kolkaściu kala 80 čałaviek, u skład jakoj uvachodziać pradstaŭniki bujnoha biznesu.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary