Biełaruskaja demakratyčnaja lidarka Śviatłana Cichanoŭskaja dała intervju Deutsche Welle, u jakim siarod inšaha adkazała na pytańni, čamu pryjarytetnaj jość adnaznačnaja padtrymka Ukrainy i jak ad hetaha zaležyć budučynia Biełarusi.
— My pavinny dakładna razumieć, što dapamoha Ukrainie — heta pryjarytet, tamu što pieramoha Ukrainy budzie mieć važnaje značeńnie dla mnohich krain, u pieršuju čarhu, Biełarusi. […]
Pakul tam Łukašenka, pakul jon słužyć intaresam Pucina, heta budzie pastajannaja krynica pahroz i dla Ukrainy, i dla ŭsiaho Jeŭrasajuza. […]
Dla nas važna, kab mir byŭ na ŭmovach Ukrainy, Spraviadlivy mir, kab u Biełarusi nie było hetaj navisłaj pahrozy ad Rasii, jakaja žadaje zrabić hubierniu ź Biełarusi.
— Kali troški pamaryć, jakim vy bačycie idealny scenaryj dla vašaj krainy, skažam, u najbližejšyja piać hadoŭ?
— Idealny scenaryj — heta Ukraina atrymlivaje ŭsiu nieabchodnuju dapamohu, kab u hetaj vajnie zdabyć spraviadlivy mir. U hety momant Rasija kancentrujecca na svaich prablemach i nie akazvaje ni palityčnuju, ni ekanamičnuju padtrymku Łukašenku. My paralelna pracujem nad raskołam elit, prapanujučy nacyjanalny dyjałoh namienkłatury. Adbyvajecca pracesy demakratyzacyi, praces dyjałohu pamiž hramadstvam i režymam. Ja nie havaru pra Łukašenku, Łukašenka — heta stračany kiejs, my jaho ŭžo nie ŭličvajem. I my razam, usioj nacyjaj pracujem nad demakratyzacyjaj. Tamu što heta praces nie adnamomantny, i ŭ hety momant nacyi treba budzie zhurtavacca, tamu što paśla pieramien žyćcio taksama nie budzie cudoŭnym. […]
— Što daje vam nadzieju, što hety scenar realizujecca?
— Tak jak pačatkovym punktam jość padtrymka Ukrainy i pieramoha Ukrainy, ja prosta baču, nakolki pryncypovaja i rašučaja palityka ŭ našych jeŭrapiejskich partnioraŭ. Ciapier usie abmiarkoŭvajuć hety płan, prapanavany Amierykaj, i alternatyŭny płan, prapanavany Ukrainaj sumiesna ź Jeŭropaj.
Heta ŭsio radykalna adroźnivajecca, i było b vydatna, kali b hety praces miru va Ukrainie byŭ zapuščany na ŭmovach Ukrainy. My nie možam dazvolić Ukrainie palityčna prajhrać u hetaj vajnie,
tamu što heta adkryje skryniu Pandory, i ŭ takim vypadku ŭsia Jeŭropa budzie žyć u pastajannym napružańni, jak minimum. Heta adpraŭny punkt.
Prosta ja baču rašučaść ukraincaŭ, heta nastolki hodny narod, jaki prykładam słužyć usim nam — stolki hadoŭ vystajać ź minimalnaj albo niedastatkovaj padtrymkaj ad demakratyčnych krain».
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary