MZS Biełarusi zaklikała Litvu kančatkova ŭrehulavać situacyju na sumiesnaj miažy, zajaviŭšy pra vašynhtonski abkam
Biełaruś vystupaje za kančatkovaje ŭrehulavańnie ŭsich pytańniaŭ na miažy ź Litvoj. Pra heta 25 listapada zajaviŭ žurnalistam ministr zamiežnych spraŭ Biełarusi Maksim Ryžankoŭ, piša BiełTA.
Maksim Ryžankoŭ nazvaŭ pazicyju litoŭskaha kiraŭnictva adnosna situacyi na sumiesnaj miažy «adkryta situacyjnaj, emacyjanalna nie strymanaj i ŭ peŭnaj stupieni navat isteryčnaj».
«Praź ich pazicyju siońnia vidavočna, što hetymi palitykami ruchajuć nie intaresy naroda, biznesu, svajoj krainy, užo tym bolš nie našaj krainy i nie Jeŭraźviazu, a peŭnyja ŭstanoŭki, jak my lubim kazać, brusielskaha abkama i vašynhtonskaha abkama.
Kali b hetyja palityki prysłuchalisia da mierkavańniaŭ svaich hramadzian i ich dalejšaje znachodžańnie na pasadach zaležała b ad hetaha, jany b užo terminova ŭstupili ŭ pieramovy ź biełaruskaj bokam, jak my i prapanujem, i ŭrehulavali b uvieś płast adnosin, źviazanych ź biełaruska-litoŭskaj miažoj», — zajaviŭ kiraŭnik MZS.
Pavodle jaho słoŭ, ciapierašnija situacyjnyja dziejańni Litvy na miažy tolki nienadoŭha mohuć pryŭnieści peŭny paradak. «My ž vystupajem za kančatkovaje ŭrehulavańnie ŭsich prablemnych pytańniaŭ na miažy, kab jaje funkcyjanavańnie nabyło ŭstojlivy, pradkazalny charaktar dla hramadzian i biznesu našych krain i trecich dziaržaŭ, jakija karystajucca hetaj miažoj. Voś naša prapanova. Na žal, pakul Ministerstva zamiežnych spraŭ Litvy nie hatovaje da takoha rodu pieramoŭ», — dadaŭ ministr.
Pamiatajecie kadeta, jaki na sustrečy z Łukašenkam śmieła vystupiŭ pa-biełarusku? Jon vyjechaŭ z krainy20
Kamientary