Čynoŭniki prakamientavali našumiełuju navinu pra balnicu ŭ Homielskaj vobłaści. Kažuć, što nie zakryli — prosta pieranieśli na 30 km
Prapahandysty kinulisia abviarhać infarmacyju pra toje, što ŭ Homielskaj vobłaści cicha zakryli balnicu, nazvaŭšy heta rearhanizacyjaj.
Videa z kadrami častkova zakinutaj terytoryi Śviaciłavickaj učastkovaj balnicy ŭ Vietkaŭskim rajonie zaŭvažyŭ «Fłahštok».
Pad rolikam źjaviłasia mnostva kamientaroŭ: ludzi vykazali žal z nahody taho, što budynak niekali papularnaj miedustanovy apuścieŭ, i abureńnie, što «ŭsio razvalili».
Raniej čynoŭniki zajaŭlali, što ŭstanovu Śviaciłavickuju ŭčastkovuju balnicu zachavajuć.
«Śviaciłavickaja balnica budzie isnavać. I ŭzrovień miedycynskaj dapamohi zachavajecca tut na raniejšym uzroŭni. Heta datyčycca i reabilitacyjnaha adździaleńnia, pasłuhi jakoha ceniać daloka za miežami Vietkaŭskaha rajona, i łožkaŭ siastrynskaha dohladu, zapatrabavanaść jakich vielmi vysokaja, i terapieŭtyčnaha adździaleńnia, dzie možna atrymać pieršuju dapamohu», — kazaŭ eks-kiraŭnik abłasnoha ŭpraŭleńnia achovy zdaroŭja, deputat parłamienta Mikałaj Vasilkoŭ.
Ciapier ža, pa słovach miascovych žycharoŭ, adzinaje, što zastałosia ŭ Śviaciłavickaj balnicy — heta adździaleńnie siastrynskaha dohladu, «i toje, kažuć, tolki da kanca hoda», pisaŭ «Fłahštok».
«Ź likvidacyjaj balnicy vioska Śviaciłavičy, jakoj byŭ prysvojeny status ahraharadka, pieražyvaje svajo druhoje pamirańnie — paśla pieršaha, praz čarnobylskuju katastrofu», padsumavała vydańnie.
Prapahandysty pajechali na miesca «raźviejvać fejki».
«Tak, miedustanova vyhladaje ścipła, ale ŭ tym, što tut pa-raniejšamu praciahvajuć akazvać mieddapamohu nasielnictvu, sumnievaŭ niama», — piša «Sielskaja hazieta».
A adździaleńnie reabilitacyi, jakoje «ličyłasia adnym z najlepšych u vobłaści» nie zakrytaje, a pieraniesiena za 30 km, kažuć čynoŭniki.
— Mižrajonnaje adździaleńnie rańniaj miedycynskaj reabilitacyi, jakoje raniej znachodziłasia tut, nie zakrytaje, a z 1 studzienia 2025 hoda pieraniesiena na płoščy strukturnaha padraździaleńnia «rajonnaja balnica» ŭ horadzie Vietka, — kamientuje hałoŭny doktar Vietkaŭskaj CRB Kryścina Bondarava. — Pry hetym jaho łožkavy fond pavialičany da 30 łožkaŭ, płanujecca dalejšaje pašyreńnie. Umovy dla pacyjentaŭ tolki palepšylisia: im nie pryjdziecca jechać u Śviaciłavičy, što ŭskładniaje łahistyku dla ludziej ź inšych rajonaŭ.
Jak heta adabjecca na vioscy Śviaciłavičy, a taksama pra čutki ab niadoŭhim isnavańni tam adździaleńnia siastrynskaha dohladu, prapahandysty ničoha nie napisali.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary