U Biełarusi dazvolać udzielničać u pierapisie nasielnictva z 15 hadoŭ
U 2030 hodzie ŭ Biełarusi adbudziecca čarhovy pierapis nasielnictva. Biełstat vynies na abmierkavańnie zakonaprajekt, jaki dazvalaje respandentam, što dasiahnuli 15‑hadovaha ŭzrostu, samastojna padavać źviestki pra siabie, piša Office Life.
Dakumient nakiravany na aptymizacyju praviadzieńnia nastupnych pierapisaŭ nasielnictva z ulikam mižnarodnych standartaŭ i rekamiendacyj.
Pierapis budzie datyčyć jak hramadzian krainy, tak i zamiežnikaŭ, uklučajučy asob biez hramadzianstva, jakija pražyvajuć abo časova znachodziacca ŭ Biełarusi. Taksama ŭdzieł zmohuć uziać biełarusy i zamiežniki, što znachodziacca za miažoj na momant pierapisu. Apytańni buduć pravodzicca jak anłajn, tak i pry abchodzie damoŭ abo na pierapisnych učastkach.
Abmierkavańnie zakonaprajekta prachodzić na Pravavym forumie Biełarusi. Pa rašeńni ŭrada probny pierapis nasielnictva pravodzicca nie paźniej čym za dva hady da praviadzieńnia asnoŭnaha raŭndu pierapisu nasielnictva.
U dadatak da ŭsiaho ŭ sakaviku 2025 hoda stała viadoma, što padčas pierapisu ŭ 2030 hodzie budzie prymianiacca štučny intelekt, kab źnizić nahruzku na respandentaŭ.
Apošni pierapis nasielnictva ŭ Biełarusi prachodziŭ z 4 pa 30 kastryčnika 2019 hoda, i pavodle jaho vynikaŭ kolkaść stałaha nasielnictva skłała 9 413 446 čałaviek.
Kamientary