Maładoj viaskovaj nastaŭnicy z Mazyrščyny dali try hady kałonii za palityku
Jarasłavu Chromčankavu sudzili pa spravie Hajuna.
Jarasłavie Chromčankavaj 28 hadoŭ. Jana rodam z Rahačova. U niejki momant dziaŭčyna pierajechała ŭ Mazyr – imavierna, adrazu paśla skančeńnia ŭniviersiteta.
U apošnija hady Jarasłava pracavała nastaŭnicaj u viaskovaj škole. Jana vykładała niamieckuju movu ŭ Majsiejeŭskaj bazavaj škole ŭ adnajmiennym nievialikim ahraharadku. Była taksama piedahoham-arhanizataram.
Dziaŭčyna lubić litaraturu. Jarasłava zachaplajecca pryrodaj rodnaha kraju. Lubić hulać pa vakolicach horada, znachodzić cikavyja rakursy i miaściny dy fatahrafavać. Taksama dziaŭčyna dapamahaje žyviołam.
Jarasłavu zatrymali 23 krasavika 2025 hoda. U toj ža dzień u jaje zrabili pieratrus.
«Viasna» pisała pra toje, što dziaŭčyna maje rasijskaje hramadzianstva. My nie zdoleli heta paćvierdzić — jaje niama ni ŭ jakich rasijskich bazach, u milicejskim śpisie «ekstremistaŭ» staić biełaruskaje hramadzianstva, a proźvišča pišacca ź biełaruskaj tranślitaracyjaj.
Jarasłavu Chromčankavu asudzili 9 vieraśnia 2025 hoda pa abvinavačańni ŭ «sadziejničańni ekstremisckaj dziejnaści» (č. 1 i č. 2 art. 361‑4 KK), a taksama ŭ «dyskredytacyi Biełarusi» (art. 369-1». Prysud — try hady kałonii.
Pa źviestkach «Viasny», pieraśled dziaŭčyny źviazany sa spravaj Hajuna. Kali tak, to vyličyć jaje paśla źlivu było prosta: jaje akaŭnt u telehramie pryviazany da jaje ŭłasnaha numara, jakim jana karystajecca bolš za 10 hadoŭ.
«Naša Niva» — bastyjon biełaruščyny
PADTRYMAĆCiapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary