Antypierśpirant: nanosić ranicaj ci pierad snom? Voś pravilny adkaz
Antypierśpiranty vykarystoŭvajuć miljony ludziej, ale, niahledziačy na ich papularnaść, šmat chto praciahvaje pamylacca ŭ samym asnoŭnym — u momancie naniasieńnia. Kab srodak sapraŭdy pracavaŭ, važna razumieć, jak jon dziejničaje i što ŭpłyvaje na jaho efiektyŭnaść.
Niapravilny čas dla vykarystańnia antypierśpirantu moža lohka sapsavać navat samy ŭdała spłanavany dzień. Potavydzialeńnie — naturalny i patrebny fizijałahičny praces: pot astudžvaje cieła, padtrymlivaje vodny bałans i navat tarmozić rost mikrobaŭ. Ale ŭ momanty, kali plamy ŭ padpachach na śvietłaj kašuli dakładna nie ŭpisvajucca ŭ vašy płany, na dapamohu prychodzić antypierśpirant.
Spačatku, jak zaŭvažaje vydańnie IFL SCIENCE, nieabchodna razabracca ŭ terminach. Dezadarant i antypierśpirant — heta nie adno i toje ž.
Dezadarant tolki maskiruje niepryjemny pach z dapamohaj vodaraŭ. Jon nie ŭpłyvaje na kolkaść potu.
Antypierśpirant pracuje inakš. Jaho hałoŭny kampanient — soli aluminiju, jakija błakujuć vypracoŭku potu.
Soli aluminiju rastvarajucca ŭ pocie i ŭtvarajuć svojeasablivy hiel, jaki časova stvaraje «korak» u potavych załozach i nie daje potu vychodzić na pavierchniu, tamu skura zastajecca suchoj.
Zdavałasia b, łahična nanosić srodak ranicaj, kali my źbirajemsia na pracu ci vučobu. Adnak ekśpierty śćviardžajuć advarotnaje.
Jak paviedamlaje Mižnarodnaje tavarystva hipierhidrozu (IHS), vypracoŭka potu ŭnačy znachodzicca na samym nizkim uzroŭni.
Kali vy nanosicie antypierśpirant pierad snom na čystuju i suchuju skuru, u aktyŭnych rečyvaŭ jość dastatkova času (6‑8 hadzin), kab praniknuć u potavyja załozy i sfarmavać toj samy achoŭny «korak». Kali ž vy robicie heta zranku, kali ŭžo pačynajecie śpiašacca i pacieć, pot prosta zmyvaje srodak i nie daje jamu pačać dziejničać.
Pry žadańni možna nanieści srodak paŭtorna i zranku dla dadatkovaj śviežaści, ale asnoŭnuju pracu jon zrobić, pakul vy śpicie.
Śpiecyjalisty supakojvajuć: niahledziačy na toje, što srodak stvaraje fizičny barjer, heta nie pryvodzić da taho, što potavyja załozy niebiaśpiečna «zabivajucca». Naša skura maje ŭbudavanuju sistemu zvarotnaj suviazi: kali załoza zabłakavanaja, jana prosta časova spyniaje vypracoŭku potu.
Efiekt ad adnaho naniasieńnia doŭžycca kala 24 hadzin, paśla čaho hielevy korak pastupova zmyvajecca naturalnym čynam.
Hałoŭnaja vysnova: nanoście antypierśpirant na čystuju i suchuju skuru pierad snom. Heta prostaje praviła dazvolić srodku pracavać napoŭnicu, a vam — adčuvać siabie ŭpeŭniena ŭvieś nastupny dzień.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
na śvietłaj... ale ja našu čornaje. a na im antypierśpirant moža astavić plamy)