Daktary pieraścierahajuć: nie rabicie hetaha pierad pachodam da miedykaŭ
Niekatoryja rečy ŭ našym žyćci mohuć paŭpłyvać na vyniki analizaŭ ci vizitu da doktara. Čaho nielha rabić pierad pachodam u palikliniku?
Kali vy źbirajeciesia naviedać terapieŭta ci prajści abśledavańnie ŭ kardyjołaha, nie picie kavu ci inšyja napoi z kafieinam za hadzinu da pryjomu. Hetyja rečyvy mohuć štučna pavysić vaš cisk. Taksama skaracicie ŭžyvańnie tabačnych vyrabaŭ i supraćaciokavych lekaŭ.
Kali vy zvyčajna nie jaście vielmi tłustuju ježu, nie treba jaje ŭžyvać i pierad analizam kryvi. A niekatoryja analizy kryvi lepš i ŭvohule rabić na hałodny straŭnik. Siarod ich analiz kryvi na cukar, tryhlicerydy, a taksama na chalesteryn dy inšyja tłuščy. Za sutki da zdačy analizu nie varta pić ałkahol, jeści zašmat sałodkaha i pierajadać.
U vypadku najaŭnaści simptomaŭ infiekcyi pastarajciesia nie prymać u dzień vizitu da doktara biezrecepturnyja leki, što maskirujuć simptomy prastudy i hrypu. Heta moža pryvieści da niapravilnych vysnoŭ doktara.
Pierad vizitam da dermatołaha nie rabicie manikiur i piedykiur, bo niekatoryja chvaroby prajaŭlajucca praź źniešni vyhlad paznohciaŭ. Siarod ich aniemija, dyjabiet, chvaroby serca i hrybkovyja zachvorvańni. Taksama, kali chočacie prakansultavacca nakont prablem z tvaram, nie idzicie da dermatołaha z makijažam.
Try hadziny da kardyjahramy pacyjentu lepš nie jeści i nie kuryć, za 12 hadzin treba admovicca ad mocnych fizičnych nahruzak. Napoi z kafieinam taksama mohuć paŭpłyvać na vyniki.
Ekśpierty rajać nie karystacca pierad mamahrafijaj dezadarantami, antypierśpirantami, duchami, łaśjonami i inšymi kremami dla cieła, a taksama pudrami dla cieła, bo jany mohuć skažać vynik. Narešcie, za siem dzion da kałonaskapii admoŭciesia ad preparataŭ žaleza, a prykładna za try dni — ad praduktaŭ ciomnaha koleru i bahataj na klatčatku ježy.
Son paśla ježy: nakolki heta zdarovaja zvyčka?
Štodzionnaje spažyvańnie adnoj i toj ža ježy moža vyklikać depresiju
Praryŭ u daśledavańni raku kryvi
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»13
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
kakaja-to novinočka?
a hdie kupiť?