Chirurha ź Biełarusi ŭ Rasii pasadzili za chałatnaść. A z turmy jana pajšła na vajnu suprać Ukrainy
Minčanka Kaciaryna Łanskaja daŭno pracavała ŭ Maskvie. Jaje karjera skončyłasia paśla apieracyi Inie Baradzie, žoncy prezidenta Fiederacyi jaŭrejskich hramad Rasii.
Płastyčny chirurh Kaciaryna Łanskaja była asudžanaja za niaŭdałuju apieracyju žoncy prezidenta Fiederacyi jaŭrejskich hramad Rasii Inie Baradzie. Ciapier Łanskaja pracuje miedykam u zonie tak zvanaj SVA. Pa słovach advakata žančyny, kantrakt ź Minabarony RF praduhledžvaje poŭnaje vyzvaleńnie ad pakarańnia.
U kastryčniku 2023 hoda Kaciaryna Łanskaja, jakaja pracavała ŭ adnoj z maskoŭskich klinik, zrabiła Inie Baradzie apieracyju pa blefarapłastycy (płastyka paviekaŭ). U Barady paśla hetaha pačalisia prablemy sa zrokam. Paśla lačeńnia ŭ Italii jana bačyć ciapier tolki adnym vokam, i tolki na 30%.
Łanskuju sudzili. Śledstva paličyła, što jana nienaležnym čynam praviała dyjahnostyku i nie vyśvietliła, jakija preparaty prymaje pacyjentka.
U kancy červienia Łanskuju prysudzili da 11 miesiacaŭ kałonii-pasialeńnia z zabaronaj zajmacca płastyčnaj chirurhijaj na dva z pałovaj hady.
Ciapier Kaciaryna Łanskaja abviaściła, što padpisała kantrakt ź Ministerstvam abarony i pajechała na vajnu.
Advakat chirurha, Kryścina Vysockaja, udakładniła, što kantrakt ź Minabarony RF praduhledžvaje poŭnaje vyzvaleńnie ad pakarańnia.
Sama Łanskaja dadała: «Ale ja ŭpeŭniena, što ŭ taki ciažki pieryjad žyćcia našaj krainy kožny doktar, kali b apynuŭsia na maim miescy, zrabiŭ by dakładna hetak ža».
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary