Dziaržaŭnaje pradpryjemstva «Litoŭskija aeraporty» padpisała damovu na prajektavańnie terminała prybyćcia Vilenskaha aeraporta z architekturnym biuro «Zaha Hadid Architects», piša LRT.lt.
Budaŭničyja raboty novaha terminała prybyćcia Vilenskaha aeraporta płanujecca pačać u 2027 hodzie, a adkryć terminał — u kancy 2028 hoda.
Z ulikam usich prajektnych prac, abstalavańnia i rekanstrukcyi padjaznych terytoryj ahulny košt budaŭnictva terminała maje skłaści kala 60 młn jeŭra.
«Heta važny pierałomny momant u abliččy Litvy. Terminał prybyćcia aeraporta — vizitnaja kartka našaj krainy. My chočam, kab tych, chto pryjazdžaje, sustrakała takaja Litva, jakaja jana jość siońnia — sučasnaja, prahresiŭnaja i jakaja chutka raście», — skazaŭ ministr transpartu Juras Taminskas padčas mierapryjemstva pa padpisańni damovy na prajektavańnie.
Ahulnaja płošča budučaha terminała prybyćcia Vilenskaha aeraporta składzie bolš za 12,5 tys. kvadratnych mietraŭ. Unutry terminała buduć abstalavanyja kala 2500 kv. m dla absłuhoŭvańnia pasažyraŭ, pamiaškańniaŭ dla atrymańnia bahažu, infarmacyjnych centraŭ, zon čakańnia, a taksama miescaŭ dla handlu i kafe.
Uvieś prajekt budučaha terminała budzie realizavany ŭ niekalki asnoŭnych etapaŭ. Pieršy etap — da kanca 2028 hoda — uklučaje prajektavańnie, abnaŭleńnie isnujučaj terytoryi (znos starych budynkaŭ, dobraŭparadkavańnie terytoryi i prylehłych učastkaŭ, a taksama pačatak budaŭničych prac pa terminale).
Paśla pabudovy novaha terminała prybyćcia ciapierašni bolš nie budzie vykarystoŭvacca. Adnak pakul nieviadoma, što raźmieścicca na jahonym miescy.
«Litoŭskija aeraporty» zajaŭlajuć, što ŭ starym budynku mahli b raźmiaścicca handlovyja punkty, kafe, muziej avijacyi, prastory dla tvorčaści i kanfierencyj.
Nie vyklučajecca mahčymaść, što ŭ budučyni stary budynak moža być źniesieny, choć śpiecyjalisty ŭ achovie kulturnaj spadčyny suprać takoha rašeńnia. Budynak uniesieny ŭ Rejestr kulturnych kaštoŭnaściaŭ.
Ciapier čytajuć
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch55
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch5
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary