Kanduktarka aŭtobusa raskazała, jak praviaraje, što pierad joj školnik
«Zamiest daviedki hladžu na najaŭnaść padručnikaŭ abo dziońnika. Kali i hetaha niama, to prašu pakazać školnuju hrupu ŭ sacyjalnych sietkach abo niejki baćkoŭski čat».
Fota: abw.by
Časam zdarajucca situacyi, kali školnikaŭ biez daviedki vysadžvajuć z aŭtobusa (dla školnikaŭ biaspłatny prajezd padčas vučebnaha hoda).
Naprykład, letaś u studzieni takoje adbyłosia ŭ Połacku z 10‑hadovym vučniem. U jaho razradziŭsia telefon, hrošaj razam z daviedkaj navučenca pry sabie nie było — tolki bankaŭskaja karta, jakuju jamu zrabili ŭ škole. Ale kanduktarka vyrašyła, što hetaha nie chapaje dla biaspłatnaha prajezdu.
Minski kantralor Kaciaryna raskazała abw.by, jak praviaraje, što pierad joj školnik, kali dzicia zabyła daviedku.
«Siońnia dzieci vyhladajuć zusim pa-roznamu: časam ty razumieješ, što heta dzicia, a časam pierad taboj źniešnie całkam paŭnaletni małady čałaviek. I ŭ takich sprečnych situacyjach ja zaŭsiody starajusia razabracca.
Naprykład, zamiest daviedki hladžu na najaŭnaść padručnikaŭ abo dziońnika. Kali i hetaha niama, to prašu pakazać školnuju hrupu ŭ sacyjalnych sietkach abo niejki baćkoŭski čat. Ciapier heta jość u kožnaha.
Ale dzieci navučylisia i tut chitravać. Naprykład, jany skončyli škołu, ale čat nie vydalili, tamu zaŭsiody hladžu na apošniaje paviedamleńnie. Jašče, jak varyjant, možna patelefanavać u škołu, kab tam paćvierdzili, što pierada mnoj — navučeniec.
Ale ŭ majoj praktycy nie było situacyj, kali ja vysadziła pasažyra, a jon i sapraŭdy akazaŭsia školnikam».
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary
Pohlady ludziej treba raźličać pa pohladach. A pa ŭskosnych prykmietach Vy sami bližej da hetaj katehoryi: niadaskanalnaść (niaŭvažlivaść) vašaja, ale paprok druhim, lohki prysud, adsutnaść adkaznaści za svaje słovy.