Minski aŭtamabilny zavod i Zavod aŭtamabilnych pryčepaŭ i kuzavaŭ «MAZ-Kupava» pradstavili aŭtobus MAZ 281 pradstaŭnickaha kłasa.
Aŭtamabil adnosicca da ekałahičnaha kłasa Jeŭra-5, maje dyzielny ruchavik, 80‑litrovy paliŭny bak i miechaničnuju šaścistupieńčatuju karobku pieradač. Jon raźličany na 10 čałaviek, uklučajučy vadziciela, raskazali padrabiaznaści ŭ pres-słužbie.
Bakavyja dźviery adčyniajucca aŭtamatyčna, taksama aŭtamatyčna vysoŭvajecca padnožka, bakavyja škło — taniravanaje.
Prastorny sałon maje 7 skuranych kresłaŭ pavyšanaj kamfortnaści z funkcyjaj adkidvańnia nazad, televizar, sistemu sensarnaha kiravańnia aŭdyja i videa, adkidny stolik, palicy dla raźmiaščeńnia asabistych rečaŭ, USB-razdymy, padšklanki.
Taksama jość roznyja typy aśviatleńnia ŭ zaležnaści ad času sutak, klimat-kantrol i indyvidualnyja błoki vientylacyi nad kožnym siadzieńniem.
Jašče dva miescy dla pasažyraŭ znachodziacca ŭ kabinie vadziciela.
Dla vadziciela, davodzić pres-słužba, taksama ŭsio pradumana da drobiaziaŭ: erhanamičnaje siadzieńnie, kamiera zadniaha vidu z vyvadam na hałaŭnoje ŭstrojstva, zadni parktronik, kruiz-kantrol, elektryčny pryvad lusterkaŭ, šmatfunkcyjanalnaje rulavoje koła, sistemy kursavoj ustojlivaści i ABS.
Pra košt aŭto nie paviedamlajecca.
Kamientary
Tesła dyzajnerski šedeŭr )))) ci " ford" )utulny ))
Daviedka dźla amataraŭ jakaści kamforta .
Kabinu dźla kamforta vadziły na " paduškach resorach" u Minku na " MAZ" zrabili u kancy 80ch ale toj čas " aptymizacyi" ..pradali francuzam