Мінскі аўтамабільны завод і Завод аўтамабільных прычэпаў і кузаваў «МАЗ-Купава» прадставілі аўтобус МАЗ 281 прадстаўніцкага класа.
Аўтамабіль адносіцца да экалагічнага класа Еўра-5, мае дызельны рухавік, 80‑літровы паліўны бак і механічную шасціступеньчатую каробку перадач. Ён разлічаны на 10 чалавек, уключаючы вадзіцеля, расказалі падрабязнасці ў прэс-службе.
Бакавыя дзверы адчыняюцца аўтаматычна, таксама аўтаматычна высоўваецца падножка, бакавыя шкло — таніраванае.
Прасторны салон мае 7 скураных крэслаў павышанай камфортнасці з функцыяй адкідвання назад, тэлевізар, сістэму сэнсарнага кіравання аўдыя і відэа, адкідны столік, паліцы для размяшчэння асабістых рэчаў, USB-раздымы, падшклянкі.
Таксама ёсць розныя тыпы асвятлення ў залежнасці ад часу сутак, клімат-кантроль і індывідуальныя блокі вентыляцыі над кожным сядзеннем.
Яшчэ два месцы для пасажыраў знаходзяцца ў кабіне вадзіцеля.
Для вадзіцеля, даводзіць прэс-служба, таксама ўсё прадумана да дробязяў: эрганамічнае сядзенне, камера задняга віду з вывадам на галаўное ўстройства, задні парктронік, круіз-кантроль, электрычны прывад люстэркаў, шматфункцыянальнае рулявое кола, сістэмы курсавой устойлівасці і АБС.
Пра кошт аўто не паведамляецца.
Цяпер чытаюць
Адвакат Канавалава, расстралянага за тэракт у метро, упершыню расказаў, што адбывалася падчас следства21
Каментары
Тэсла дызайнэрскі шэдэўр )))) ці " форд" )утульны ))
Даведка дзля аматараў якасці камфорта .
Кабіну дзля камфорта вадзілы на " падушках рэсорах" у Мінку на " МАЗ" зрабілі у канцы 80х але той час " аптымізацыі" ..прадалі французам