Ispanski fatohraf zrabiŭ pieršaje ŭ śviecie FOTA biełaj pireniejskaj rysi
Ispanski fatohraf-amatar Anchiel Idalha zrabiŭ unikalny zdymak — jahonaja fotapastka zafiksavała biełuju pireniejskuju ryś, jakaja maje redkaje hienietyčnaje adchileńnie — lejkizm. Heta stan, pry jakim u žyvioły častkova abo całkam adsutničaje pihmient u skury i poŭści, ale vočy zachoŭvajuć svoj koler (u adroźnieńnie ad albinosaŭ), piša Euronews.
Fatahrafiju atrymałasia zrabić 22 kastryčnika ŭ hornaj miascovaści pravincyi Chaen. Dakładnaje miesca nie raskryvajecca, bo ryś žyvie ŭ dzikaj pryrodzie i nie maje radyjoašyjnika.
Pireniejskaja ryś (Lynx pardinus) — vielmi redki vid, jaki ličycca «ŭraźlivym» pavodle kłasifikacyi Mižnarodnaha sajuza achovy pryrody. Dziakujučy achoŭnym prahramam Ispanii i Partuhalii, jaje papulacyja ŭ apošnija hady vyrasła — u 2023 hodzie jana naličvała bolš za dźvie tysiačy asobin.
Hety vid źjaŭlajecca važnaj častkaj ekasistemy Mižziemnamorskaha rehijonu, bo rysi rehulujuć kolkaść trusoŭ, jakija źjaŭlajucca ich asnoŭnaj zdabyčaj. Źniknieńnie rysi mahło b parušyć naturalny bałans u pryrodzie.
Siezon palavańnia na ryś startavaŭ u Biełarusi
U lesie pamiž Iviancom i Rakavam turysty sustreli ryś z rysianiatami VIDEA
«Zabivaje pa kazuli kožnyja 6 dzion». Viedamstva Šunieviča zaŭvažyła siarod drapiežnikaŭ jašče adnaho kankurenta dla palaŭničych
Charyzmatyčny drapiežnik našych lasoŭ. Tajamnicy biełaruskaj rysi
Kamientary